لازم/ مش لازم في الشورة ( الجهاز ) [الأرشيف]

زكرياء

04-12-2011, 10:25 AM

السلام عليكم ورحمة الله تعالى وبركاته ومغفرته ورضوانه

صراحة أول موضوع سقطت عليه عيني عند دخولي المنتدى فقررت الرد عليه من باب أني فهمت مسألة الشورى بمعنى التشاور لكن لما فتحت الموضوع مممممممممممممممم
خليو البير بغطاه

الشورى صارت ثورة وللبعض فرصة للثروة مسألت حروف فقط تبدلت ماتزعفوش

الشورة واش مادابيك لازم conteneur صبابط conteneur صابون conteneur قش conteneur ..............ويستمر الاستراد و التصدير

ايه انت الصبابط نتاع الخرجة ونتاع الغرقة ، نتاع الفرح ونتاع القرح ، نتاع الطرق ونتاع الي يحق ، واش مادابيك يقولوا علينا نتاع الدوار، الصبابط غير ماتحكيش فيهم ولبشامق -* طبعا كاين بشماق معاهم القيس 43 للاستعمال الحصري عند الخروج عن طاعة الزوجة عفوا اقصد الحاكم *-

صابون لعجوزتي وصابون لسلفي مع محرمة والمحرمة نتاع 50 دج في المحل العادي ومن محلات الشورى ب 500 دج ايييييه آي فري تمسح بيها تجرحك ماعليش الموس من عند زوجة خويا طهارة و ... و ......

قندورة نتاع التصديرة نتاع اليوم الاول والي بالرشمة نتاع الورد هاديك نتاع اليوم التاني و الثالثة هاديك نكمل بيها ال15 يوم مصدرة ولات القندورة سقاطة او الحصالة هدي جات تصدر برك ومخلية زوج احتياط للتصديرة للناس كي يجيو يباركو ياو لازم نقابلهم بهدوك و الله حتى تبهديلة

وجبت شوية قنادر تاني هدوك 5 نتاع لعراس هاكي تعرفي يجيوك زوج ثلاث عراس دوم دوم تلقاي واش تبدلي على عينين الناس

و ال10 قنادر هدوك آم نتاع الدار هاكي تعرفي الوحدة سبحان الله لازم لها باه تدور قدام عجوزتها وشيخها واسلافاتها باه ما يقولوش خلاياالطفلة هدي ماجابت والو

احم احم

وحقيبة كبييرة مانحكيوش عليها
انت تحكي على الصلاة الفرضية كان أديتها ياو لازم تأديها خمم في النافلة
هكاك الحقيبة هديك فيها
قاطيفة زوج نتاع الفتلة وحدة
ووحدة تلمساني والقفطان و و و
واش مادابيك باه كي نلبس المحزمة ما تخليش الآثار نتاعها
ممممممممممممممم
وخدتي الراجل مسكين

و الطامة بعد شهرين
و الله قدامولي لحوايج الي جبتهم
اول خرجة لها بعد تقولك و الله حشمت مالقيتش باه نروح حاجة ماعندي خلي حتى نتكسى ونروح نباركلهم واخلاص
ممممممممممممممم
صار مالا والو ماعندكش
وانا باه ندور في الغرفة نتاعي بحرية مانقدرش ولا زيد نشري سروال واحد ماعنديش وين نحطو دلالة على انو قشك اجتاح كامل الاماكن
و الحقائب فوق بعضهم البعض
التلفاز ماجينا نلقاولو مكان بسيف
لأنو لوحة التحكم في الحرباء عن بعد دات حصة الأسد
هدا غيسيل وهدا بريون لافر وهدا روج ،روز، مارون لافر
الفراجو farajou
ياو ديري لعمرك فراجو طبيعي/farajou naturelle
الحشمة الي ولات مكانش
المهم
علابيها الرجل مطلوب بشيء واحد الي هو يسجي المستودع الداخلي المتمثل في الغرفة أو لا شومبر و المستودع العام لحفظ الجثث عفوا لحفظ الأثاث
ياولدي هدا بكل وخلي البير بغطاه بارك الله فيك

ياولدي واش داك للزواج
وفوق هدا بكل والله ووالله وبالله وتالله
نقولهالكم ولي ادلة في الشورى بكل بطولها وعرضها
مكانش هدية للزوج ؟؟؟؟؟؟؟

الله اكبر

تتزيني للزوج نتاعك ياو بغير مزيتك
لأنو رايح تتزيني له وتزينيه لك قبل الخروج نتاعو
و الاغلبية و الله ماعلابالها زوجها مايحب من البسة او عطور او واش عندو وماعندوش
ياولدي راني نهدر مع الجد نتاعك واش اداك للزواج
يابابا رايح ندير نصف الدين و حوايج خلاف مانقدرش نهدرلك بالرغم من انو لا حياء في الدين
في قلبو يهدر
حاب نعيش المودة ماش حتى الحب
حاب نعيش في نعيم بيتي
حاب استشعر الصلاة وانت تدعوا لأهلك فيها
حاب نلقى اهتمام شخصي يخليني مرتاح
حاب وحاب وحاب ....
وبالمقابل
حابة نعيش في غرفة خمس نجوم
حابة يبقاو يدي بنعومتهم
حابة استشعر الرقاد وانا مزوجة مكانش تكسار الراس نتاع ماما اغسلي سيقي
حابة نلقى راجل يخدم الليل مع النهار على جالتي
وحابة .. وحابة ...

وتستمر المحبة لكن شتان بينهما

الخاطب : يالله واش تقولو يا خويا
الولي :و الله مانطلبو غير الهناء
الخاطب : ياخويا هدي بلا ماتهدرها بنتكم ولات بنتنا سبحان الله واش هي شروطكم
الولي : و الله نمدوها كيما مدينا البقرة نتاعنا عفوا خطأ كتابي كيما مدينا ختها ب 22 مليون برك
الولد : شوف عمي كون ندري بنتك في العام الأول تجيبلي لاعب كورة كل اسبوع يدي مليارين نعطيها 50 مليون
*-*-*-*-*-*-*-*-*

سبحان الله واين رايحين بيها يا جماعة
اين العيب كي يجلس الوالد مع الزوجة وبنتهما
ويحكيو معاها بنتي ادي واش تحتاجي بارك الله فيك
علاه رايحا لحوايج ماعندك ما ديري بيهم
اين العيب لما الفتاة تتواصل مع اهل زوجها سواء رايح يعيش وحدو او معهم في امور الشورى
اين العيب انو الفتاة تجيب واش يكون ضروري
علاه 10 مطارح وهي رايحا تسكن في غرفة
بعدها يستقلو عن اهله
كي تديروا استقلالية لتم يرحمها الله

المهم كان معكم صديقي الزاكش يرد

و الآن معكم زكرياء
ماشاء الله آمنة كل مرة تخرجينا خرجة
عندي مقترح
ياريت لو نرتب الاولويات
يعني نضع مثلا اهم الأمور التي يعرفها الجميع ذكور واناث
والي هي مطلوبة ولازم تكون في الشورى لأمرين
أولا
نأخد بالتقريب قيمتها حتى نساهم في تعيين مبلغ الشورى تقريبا لا وجوب الرجوع له
حتى نكشف من هم يخططون لعمل مشاريع بأموال الشورى هههههه
ثانيا
ليكون مفهوم الشورى واضح

على كل سأبدأ من باب التراث
غنادر الخاصة بكل ولاية
اراها للحفاظ على التقاليد شرط ان لا يسرف في اختيار الأغلى
شيء ثاني مسألة التجهيز - المطارح - مانعرفش نسميهم بغير هدا الاسم اعتذر
تشوف المطلوب بعدد الغرف لاه تدير حساب لعباد يجيو مستقبلا
المهم تقدرو تقولو اخوكم زكرياء موافق على نقطتين
لكم الحرية المطلقة في نقدها ا
ما ماتكلمه الأخ الغريب واحسب اسمه الزاكش وهو من غير هذا الزمن
فأرجو ان تكون مجرد كلمات تفوه بها
ونبقاو نستناو رد الاخوات والاخوة كذلك الي مقبلين على الزواج او حتى مزوجين يا استاد فوزي
قر وجيب صحابك

لي عودة مع ردودكم ان شاء الله
و الله المستعان

و السلام عليكم ورحمة الله تعالى وبركاته ومغفرته ورضوانه

لمياء

04-12-2011, 11:38 AM

313

أضحك الله سنك أخي زكرياء و الله من خلال تصفحي للموضوع و خاصة ردك ضحكت من قلبي.:onion47:
أولا نشكر امنة على الموضوع الرائع و الذي من خلال تحاورنا و نقاشتنا يمكن أن نخرج بحل وسط.
ألم أقل لكم أنا هذه المظاهر هي الي مخلاتش أخونا عبد الرزاق يزوج هو مسكين شارق و موش لاحق باه هي تروح تشري صبابط و ريحة و .... طبعا القائمة طويلة.
أحححححححححح
نعود للموضوع:
أنا برأي تدي فقط الضروري لا داعي للتبدير فمثلا تجدها خرجت بشامق تاع الدوران وحدهم و تاع العراس وحدهم و التاع الشتاء وحدهم و تاع الصيف وحدهم علاه يعني السوق راح يبطل يبيع بشامق و لا صبابط يا جماعة اتقو ربي.:onion07:
و لا المطارح بداو بأربعة و بدأت الحسبة تطلع 5 و مبعد 6 و لحقو 8 واش رايحة تديري بيهم يا بنتي رايحة تحاربي:onion54: و الي تقول ندي 3 مطارح على حسب الكنابيات الي يشري الزوج:onion31: علاه رايحة تديرينا التبهديل الناس تخرج 8 و انت ثلاثة و زيد موش مليحة تخرجي بالفرد لازم بالزوج فال موش مليح و الله تقولي هاذي مذكورة في القران و لا السنة سبحان الله.
و اله كتير نعرفهم تقولك ندي شورى كي يشوفها يحلو فامهم يقعدو يهدروا عليها و بعد أشهر من الزواج ترجع تشكي ضيق المكان و أن أغلب الأغراض الي أخدتهم لا تحتاج اليهم و لم و لن تستعملهم بتاتا و عليه عليكم هذا الحالة.
لي عودة ان شاء الله بانتظار بقية الاعضاء.
:onion19:

خوجة فارس

04-12-2011, 11:50 AM

ما معنا الشورة و الجهاز هذا جهاز الكمبيوتر ؟

زكرياء

04-12-2011, 12:12 PM

ما معنا الشورة و الجهاز هذا جهاز الكمبيوتر ؟

الظاهر انك اخي ترد من خلال العناوين فقط اي انك المواضيع ماتطلع عليها وخاصة الردود

مشكور على مرورك

كي يجي دورك
راك تحفظ هذه الكلمة عن ظهر قلب

و الله المستعان

زكرياء

04-12-2011, 12:17 PM

أضحك الله سنك أخي زكرياء و الله من خلال تصفحي للموضوع و خاصة ردك ضحكت من قلبي.:onion47:

هو ليس كلامي اخت بل هو كلام صديقي الشخص الغريب
أنا تحدثت عن الموضوع برؤية المطلوب
وصحيبي فمو ماش ليه و الله لا راحتلو

و اله كتير نعرفهم تقولك ندي شورى كي يشوفها يحلو فامهم يقعدو يهدروا عليها و بعد أشهر من الزواج ترجع تشكي ضيق المكان و أن أغلب الأغراض الي أخدتهم لا تحتاج اليهم و لم و لن تستعملهم بتاتا و عليه عليكم هذا الحالة.
لي عودة ان شاء الله بانتظار بقية الاعضاء.
:onion19:

شفتي الكارثة انو صارت الأمور لفلان وعلان
بالرغم من انها لا تريد الا زوجها ومصلحتهما
لكن الطمع فسد الطبع

ادا وحتى لا نخرج على الموضوع مثل ما عمل الزاكش
أنا و الأخت لمياء متفقين حول المطارح انهم لازم يكونو ولكن بالقدر المطلوب
و الله المستعان

خوجة فارس

04-12-2011, 12:17 PM

الظاهر انك اخي ترد من خلال العناوين فقط اي انك المواضيع ماتطلع عليها وخاصة الردود

مشكور على مرورك

كي يجي دورك
راك تحفظ هذه الكلمة عن دهر قلب

و الله المستعان

الشورة و الجهاز
راني حفظة الموضوع لكن العنوان لا يطابق الموضوع
و في الأخر ظهرتم تحكيو على توابع المهر
لي عودة للموضوع

زكرياء

04-12-2011, 12:31 PM

الشورة و الجهاز
راني حفظة الموضوع لكن العنوان لا يطابق الموضوع
و في الأخر ظهرتم تحكيو على توابع المهر
لي عودة للموضوع

نعم يا أخي هي توابع المهر

لأنو حديثنا عن الشورى حديثنا عن المهر

والا لاه وحدة مديا قشها في 404 باشي ووحدة مديتها في conteneur

على كل انا شخصيا قدمت مقترح للأخت آمنة حول التجهيز لما نتفق بالتقريب على الأهم

نحاول نجد تقريبا له قيمة الي هي المهر

لا اكثر لا اقل

شريكي ومادام قلت راك حفظته

واش كليتها وحدك ؟؟؟ ماعليش ربي يهنيك

ياريتك تفيدنا

و الله المستعان

آمنة

04-12-2011, 19:08 PM

هههههههههههههههههههههههههههههههههههههههههههههههههه ههههههههههههههههههههههههههههههههه

:onion47::onion47::onion47::onion47::onion47:

اسناو يا جماعة أني مت بالضحك
من بعد نرجع... تزيد تشرق لي من الضحك

الرمال البيضاء

04-12-2011, 19:16 PM

السلام عليكم ورحمة الله تعالى وبركاته
امنة ماكان لاه نشكرك اسناي السع نضحك شوية مع صديق زكرياء ومن بعد نرجعلك
هههههههههههههههههههههههههههههههههههههههههههههههههه هههههه
والله كنت مانيش راح نرد لانك الممت باشياء سبحان الله من يقرا ردك يقول اه عفوا رد صديقك يقول مر على راسه من اهوال الشورة ما مر-والشورى اخي فارس ماهي الا كلمة عامية تعني جهاز العروس الذي ستنقله الى بيت الزوجية-
المهم اعود لامنة ...والله يا امنة عليك خرجات واش نقلك ربي يبارك فيك يا رب ولا يحرم المنتدى منك.
يعني عندما قرات الموضوع تذكرت فورا حادثة قراتها في الجريدة من ايام عن حادثة طلاق بسبب الجهاز...فبعد ثلاثة اشهر من الزواج كان الزوج ما ان يعود الى البيت يجد غرضا ينقص او اخر.وعندما سال الزوجة اخبرته انه كله دين جلبته من عند قريباتها...وقد اقترضته لتظهر بوجه جيد امام اهله...فسالها عن المهر الذي دفعه والذي يقدر ب14 مليون سنتيم فاخبرته ان 12 مليون منه اكترت به صالة للافراح لتظهر بمظهر حسن اخر امام الناس...
فوالله شيء عجيب جدا...
وللحديث يقية لان لي كلاما كثيرا حول الموضوع.

الزعيم

04-12-2011, 19:41 PM

آمنة

04-12-2011, 19:46 PM

موضوع حساس رغم الردود الطريفة التي تعتبر نقدا ساخر لاوضاع مؤلمة لكل شاب مقبل على إكمال نصف دينه لكن اهم سؤال يطرح: من المسؤول عن هدا الوضع الزوجة؟اهلها؟المجتمع؟ وهل يوجد حل لهده الظاهرة ؟وهل كل من ينتقد هده الظاهرة سيقف في وججها ام سيدعن لها ويقول ندير كيما يديرو الناس؟؟؟

أهلا بك اخي وبمشاركاتك

أسئلتك كلها قيمة .... وجيدة

وهنا بيت القصيد... لم نفتح هذا الموضوع من أجل نقد ساخر للأوضاع
ومن بعد كل واحدة تقول... في عايلتنا... الناس.... المجتمع... وش يقولوا

فتحنا هذا الموضوع حتى نتحدث بطريقة عقلانية وموضوعية وبالأرقام أيضا

لدراسة الوضع على رواق مثل ما يقولوا.... حتى تقتنع كل فتاة بالأمر
لأنه في الأخير القرار قرارها.... هي لي كيما تحب تدير تدير

أتوقف عند هذا الحد.... حتى لا ننطلق إلى الحلول مباشرة

أريد الأستمتاع أولا بردود البقية

مازلت أنتظر بعض الردود ... التي أتوقع أن تكون هايلة مثل وحد الرد بعد لي قلتنا بالضحك

ما عليش..... نشيخو شوية ومن بعد

أرجو أن تتابع الموضوع....

إنشراح

04-12-2011, 19:52 PM

السلام عليكم و رحمة الله و بركاته

كلكم عاديون، حتى آمنة بخرجاتها
لكن صديق زكرياء وحدوووووووو هههههههههههههه
أمتعتنا أخي زكرياء ربي يديم خفة ظلك

آمنة طرحت موضوعا قيما و حساسا، يخص مجتمعنا الذي أضحى يهتم بالمظاهر و التفاخر دون إمعان النظر في الجوهر
ولا كيما قال زاكش: كل هذا و ماكانش حتى هدية للعريس
أو مثال أمينة عن الدين

لا أظن أنه لدي ما أقول الآن
سأعود بعد مزيد من الردود
سلام

فاطمة

04-12-2011, 19:53 PM

والله يا امنة الموضوع هدا معمرلي قلبي راهم ولاو لعراس وحكاية الشورا وسيلة لنهب العريس _le maximum- ووسيلة للتضاهر _أنا جبت و أنا درت وسلسلة الأنا المعروفة.............-.
أنا تبانلي الشورا وتوابعها تاع العرس تكون على حساب الهدف الحقيقي من الزواج ادا كان الزواج هدف فستكون الكثير من النهيب ادا كان وسيلة فستتغير الافكار وترتب الاولويات ...مهما نهدرو ما تخلصش الهدرة في الموضوع هدا كاينين حوايج حضرتلهم دون تعليق مخك يديكونيكتي............والحديث لا ينتهي ابدا

خوجة فارس

04-12-2011, 20:39 PM

لمياء

05-12-2011, 11:00 AM

328

أووووووووووووو أمنة الموضوع تاعك دار حالة.
و الله في رد على أخونا الزعيم من المسؤول عن الوضع بالتأكيد الزوجة هي المسؤولة الاولى يليها الأهل و المجتع لازم فيها أصل كلام الناس هي الشغل الشاغر هذه الأيام.
فلو هيا أكتفت بمهر يحلل هذا الزواج و تترك تقديره المالي بحسب استطاعت الزوج فهذا شيء جميل طبعا و الأجمل أن تكون ذات شخصية قوية لا يهمها كلام الناس تدي هيا واش يلزم البيت الزوجي طبعا الضروريات دون الثانويات بشرط ألا يعاتب الزوج الزوجة فيما بعد بعدم احضارها لبعض الأشياء يبدأ بمحاسبتها ماذا فعلت بالمهر؟
عذرا ربما خرجت عن الموضوع نوعا ما.
أححححححححححح ماذا قلنا منذ قليل من المسؤول ؟؟
البنت لأنه حياتها و هي من سوف تسعد أو تشقى و هي من يتكلم عنها بالعاطل ان أخدت الجهاز أو قصرت فيه مهم كان ضغط الأهل عندما تضع مبدأ تمشي من خلاله فأكيد الأهل سوف يرضخون له و الناس كلامهم لا ينتهي بالسخير أو بالسيء.
أتمنى أن لا أكون أطلت عليكم بانتظار بقية الأعضاء.
سلام
:byebye:

خوجة فارس

05-12-2011, 11:04 AM

الزوجة و أهلها هم من جعل المهور و أتباعها تصعد إلى السقف حتى أصبحت العنوسة في المجتمع لكن الأستاذ فوزي حفظه الله وجد لنا الحل و هو الزوجة الثانية و قد باركنا له الفكرة هذه فنقول من أراد مهر غالي لبنته ماذا نقول له ؟.
كان جاء يفهم راه فهم من حديث النبي و أقوال العلماء

زكرياء

05-12-2011, 11:26 AM

موضوع حساس رغم الردود الطريفة التي تعتبر نقدا ساخر لاوضاع مؤلمة لكل شاب مقبل على إكمال نصف دينه لكن اهم سؤال يطرح: من المسؤول عن هدا الوضع الزوجة؟اهلها؟المجتمع؟ وهل يوجد حل لهده الظاهرة ؟وهل كل من ينتقد هده الظاهرة سيقف في وججها ام سيدعن لها ويقول ندير كيما يديرو الناس؟؟؟

جميل ردك أيها الزعيم و الأجمل شؤال بسيط موضوعي و أراه الأجمل

لا اريد ان استبق الأحداث بالاجابات حتى نرى ردود القية حول الموضوع كموضوع اهم الأشياء التي هي ضرورية للمرأة وبعديها ارجع للرد عن سؤالك

وسأرد حول سيدعن لها

يا أخي لما ندعن لثقافة دخيلة وطلبات صبيانية أحيانا

لما ندعن لطلبات فتاة حاسدة ونترك فتاة تغار على دينها أن تحدث فيه ما ليس منه بحكم انه نصف الدين

لما ندعن لمن سن سنة سيئة يحرم بها غيره من اتمام نصف دينه ونترك دات الدين

لما ولما .... ندعن لقوانين وضعية يحكمها حسد وغيرة و تباهي

و الله المستعان

ريم م

05-12-2011, 13:41 PM

السلام عليكم
الشورة والا الجهاز شريرة امنة راه نبدا نكتب في الموضوع قدر غيابي هاته الفترة كاملة
منين نبدا نبكي شوي صح ونبدا نكتب:too_sad::too_sad::too_sad::too_sad::too_sad:: too_sad::too_sad:
لكي نظلم بنات حواء لاللتعميم

اقل شورة مئة مليون ذون مبالغة مع شوي ذهب وزيد حنا اهل الشرق رانا كارثةعظمى
اخت تقولي انا خاطيا والله الوالدة هي ضغغطت عليا باه ندير هكذا وانا نقولها لا طاعة لمخلوق في معصية الخالق والتبذير معصية
واحدا تقول تتمسخري ريم راه الزوج نتاعي هو بعد قالي جيبي شورة مليحة نقولها ان كان هذا تفكيرو هكذا قبل الزواج مالا بعد الزواج كيفاه
واحدا تقولي ياريم رانا لباس علينا وبابا قادر خلي ندي الشورة نقولها لربي يفنح عليه في المال يروح يزوج بيه شخص اخر غير قادر
واحدا تقولي راكي مكيش نورمال انا الوالدة نتاعي من الصغر وهي تخبيلي في الشورى نقولها ربي يغفرلك انتي باه تنصحي امك ربما فعلتها عن جهل
ما هذيك صحبتي لتحب الشورة وبابها غير قادر هذيك راكي نقولها راكي اثمة مرتين اثم التبذير واثم التضييق على والديك

وصفة ريمية لشورة عقلانية
نبداوبالقنادر
زوج قناذر واحدا للاعراس واحدا لللمناسبات السعيدة بدل ثمانية قنادر.. القسنطينة وتلمسانية والوردي والبيضاء والزرقاء
ولازم عدد زوجي ممنوش وفال شر عدد فردي
ثانيا الصبابط
يابنتي وعلاه كنتي حفيانة راه صباط واحد لاعراس كاف هاو كل مرة مودا
ملابس البيت
فهموني برك وعلاه كي رايحا تشري في الشورة مبقاتش تشري خلاص
هاو تشوف احتياجات ملابس البيت بكل عقلانية

فيما يخص العطور وماتابعها
نصيحة العطور راه تفسد كي يتخبا يرحم بابك خمسة عطور وعشرين صابون لمن عطر واحد كاف وكي ينتهي تشري عادي راه مش رايحا تصرا ندرة في العطور
فيما يخص لوازم البيت
المطارح قالك في القانون ستة اربعة حطتهم وزوج زاد رجعتهم لدار بابها ملقاتش وان تخبيهم يرحم الوالدين وانا قران والا سنة نتاع ستة والله زوج في البداية كافيين للضيوف ومستقبلا كي يعودو الاولاد منا ليزيد نسميوه بوزيد
الاواني والزرابي والافرشة والبساطات والاغطية
سبحان الله والله كاين لتجمعهم تقدر تفتح بيهم la foire
حلاوة بيت الزوجية هو البناء واحدا واحدا الاواني القليل المستعمل ونبعد كل مرة كاين اضافة ونفس الشىء لاغطية ياواله وحد لشتاء واحد للصيف كبداية الحم لله بالعقيلة برك
اما في مايخص الات الكهرومنزليةان استطعا الزوجان يتفاهماعلى التعاون فاهلا ومرحبا وان لم يكن ذلك
معليهش عادي يجيب الزوج ماستطاع ومهيش نهاية العالم حياة بلا تلفاز والا غسالة والا واحدا واحدا كلش يجي
وزيد مودا نتاع الالفية الاخيرة لازم الزوجة تجيب صالوون نتاع سبعة ملايين
ربي يغفر برك كلمة لازم هي لتهبلني يوجد كلمة ماتيسر

والله مسمعت بلي هدية للزوج ولات في الشورة حتى هي راني ديمودي خلاص ظهرت
ياسبحان الله ووكانها اول هدية واخر هدية للزوج هناك ماهو اسمى من البحث عن اغلى ثمن لهدية له فان ايقنت انه اصلا هبة الله لك كزوج هو في حد ذاته هدية خليني منكملش الكلام خيير.........

هذه ليست وصفة لانسانة تتكلم بالمثالية ولا النظرية
راه وصفة عادية لمن ارادات صح ان تكون الام التي تصنع امة

وشتان بين من كان همه كلام الناس وارضاء الناس ومن كان همه ارضاء ربه

ملاحظة الشورة هذي متغلبش تقدر تهزها في سيارة بلما تحتاج الا نصف مقطورة باه تهز الشورة لغلبت صديق زكريا

آمنة

05-12-2011, 18:25 PM

:onion47::onion47::onion47:

يعطيك الصحة ريم

يعجبوني بزاف مثل هذه الردود

طبعا لي عودة

الرمال البيضاء

05-12-2011, 18:33 PM

السلام عليكم يا جماعة الخير واسعد الله اوقاتكم بذكره وشكره

كلمة لازم هي لتهبلني يوجد كلمة ماتيسر
والله يا ريم يا اختي لو انت هذه الكلمة تهبلك انا تحبسلي راسي وكثر ....يقلك لازم ولازم يا بنت شكون لي لزمها كما قال الاخوة والاخوات هذا مش قران منزل...والادهى اني لي نعرفهم كامل ما يفوتش الشهر على الزواج تبدا تقولك والله بديت نكره حوايجي وحابة حاجة اخرى وتبدا تفرق فيهم...وزيد والله احيانا اخرى الشورى كيما قلتوا بالشاحنات وفي الاخير لا تكمل الشهر والشهرين وتعود لبيت اهلها ...كما قالت الاخت فاطمة لابد من معرفة مبدا الزواج ولما تؤسس الاسر وليس مجرد مظاهر....
وسبب الاخر يجعل الفتاة تريد وتريد وتبقى لاخر لحظة وهي تشتري وتقتني وهم اهل الزوج والذين احيانا لا يحرمونها من التعليقات...انا اعرف صديقتي وهي قسنطينية كانت ستستغني عن "التارزي القندورة المشهورة"ولكن كلمتها اخت الزوج واخبرتها انه يجب ان تحضرها لان اعراسهم كثيرة...بالله عليك قندورة تتكلف الى غاية 10 ملايين وبعدها اعلقها في الخزانة...هل يعلق هذا .انا عن نفسي لن افعله لانه تبذير....
واختي ريم قلتي حنا في الشرق رانا بزايدة بالعكس عزيزتي انا اعرف تاع الغرب والله احيانا تقولين حنا رانا في رحمة...وكي تسقسي يقولولك لازم...
ولنا عودة....كيما قلتوا القلب معمر من هذه المظاهر الاجتماعية الزائفة.
وقبل ما ننسى نشكر اخي رفيق لانه فعلا طرح موضوع وسؤال وجيه...ربما علينا نحن الجيل الجديد الغاء هذه العادات البالية التي لاطائل منها لانها قسمت ظهر الشباب ولم ترحمهم وديننا دين يسر .

زكرياء

05-12-2011, 19:42 PM

السلام عليكم

انا اعرف تاع الغرب والله احيانا تقولين حنا رانا في رحمة...وكي تسقسي يقولولك لازم...

جميل لكن تبان لي أختي ما فعلتي خاصية ميزاجور

تلمسان كانت أمهم الكثيرين هناك تخلاو عن هده العادة السيئة
من مصادر موثوقة خبروني

في عنابة 3 ملايين وتسجي الجهاز
واحنا ماناش بصدد تعيين المهر
لأنو قادر نشوكيك لو نقولك مايهمني الشرط
لأنو المرأة الي يقصدها الرجل يشوف قد دراهمو
طلبت اكثر ربي يجيب السوق
ماناش في سوق دلالة نوليو نقصو وانتوما لالا هداك هو
آي مافيهاش

كاين الي طلبو 15 مليون وهي ماهي رايحا تجيب والو معاها
وكاين الي ماطلبت غير الهناء صح ورفضت اي مبلغ من عند الزوج عدا الخاتم هدية منه حتى تضعه أمام كل البشر انها مرتبطة
ولما تشوفي الشورة نتاعها تتشوكاي تقول جابوها ب30 مليون

المهم يالله يا جماعة الخير

اعطونا اهم الأشياء خاصة انتم البنات تعرفو واش لازم

حتى نصل الى مرحلة الأخ الزعيم

و الله المستعان

خوجة فارس

05-12-2011, 19:52 PM

لقد وجدت لكم مهور لا تتعدى اللاشيئ
كنت في الحافلة فسمعت شخص يتحدث عن مهور قليلة جدا او لا توجد
اعتقد قال دار الرحمة لكن المنطقة لا اعرفها ربما دار الرحمة هذه بلدية او دائرة

حلاوتك يا حُلوي

05-12-2011, 20:44 PM

السلام عليكم و رحمة الله تعالى و بركاته

اممممممممم
قريت قريت قريت .. و الصفحة الأولى ما قدرتش نكملها من الردود
على كل ما شاء الله النقاش حار و جد جاد ولكن ...

الطفلة عمرها 5 سنين تشوف العروسة بالفستان الأبيض و الناس تزغرتلها

و عندما يصبح عمرها 10 سنين .. العروسة ماكياجها ماشي زين

و ياااااااه على الطفلة كي يكون عمرها 15 سنة تشوف لعروسة جابت الجهاز شباب ولا لا

و كي يكون عمرها 20 ولا 25 تعود تشوف في لعروسة بسومة نتاع الشي لي جاباتو و غرفتها واش حاطة فيها

هذي بالنسبة للبنات كيفاش يشوفو في العروسة

أمممممممممم كيفاش يشوفوها الرجال؟؟
هذي لعروسة ما شاء الله تعرف تطيب و تقوم بالدار و لاتية براجلها ..
هذي لعروسة نورمالمون ما تتزوجش من لي جات و هي راقدة ماهي لاتية بروحها ماهي لاتية براجلها
نورمالمون هكذا يشوفوها الرجال و العلم لله
هيا نشوفوها هي كيفاش تخمم قبل العرس

ماما نشري اللبسة تاع الخرجة و تاع الدار و تاع القضية و تاع الخدمة و تاع الرقاد
ماما نشري لخيمارات و نشري السبابط و نشري ليكلاكات و نشري الصابوات و نشري و نشري و نشري
ماما نشري لماكياج و نشري الريحة و الصابون و الشومبوان و نشري و نشري و نشري
بابا نشري لفريجيدار و نشري لفريتوز و نشري فور و ما ننساش نشري لاماشين لي تغسل لماعن و القش
خويا باش تروح معايا نخير الكانابيات و نخير لفوتايات و نخير الطابلة و..و..و..
جداتي باش تروحي معايا للخياطة نخيط قندورة ليماه و خالاتو و عماتو و خواتاتو ..
تعددت المطالب و تعددت المشتريات و كثر تبذير النقود في اللاشيء و السبب باش ما يقولوش عليها ما جابت والو معاها
و في نفس الوقت تقول مادامو مازال ما دانيش يشريلي لانو من بعد قادر يخلقلي الف عذر و عذر و يغبني و ما يشريليش

امممممممممم هاي تزوجت و من بعد؟؟ هاي شرات كل شي و من بعد؟؟
تدخل لبيتها بلبسة تخرج بأخرى و المشكل تلبس لبستها ليوم برك و ما تعاودهاش غدوة
ما تغسل ما تسيق ما تدير والو
من لي جات و هي تتبع في المسلسلات التركية و الهندية و..و..و.. و هاهي الدموع تسيل على الخدين بسبب توافه التلفاز
واش دارت بالماكياج؟؟ راهي مزينة بيه لكوافوززز و ماهيش تتزين بيه ..
واش دارت بهذيك اللبسة كامل؟؟ راهي مزينة بيهم لخزانة ..
واش دارت بهذوك السرة و هذوك الطوابل و..و..و.. ؟؟ راهي مزينة بيهم بيت لخزين
امممممم
واش دارت في لكوزينة؟؟
والله والو كي يجي راجلها خارج المسكين في مكان كلمة تهلا في روحك و نحبك تسابوطيه بطلبها ليه يجيب لغداء و لعشاء من المطعم لي قدام الدار
و العيب في الأمر أنها لا تقوم بخدمة لا زوجها ولا والدته و تتربع في المنزل كالملكة عليهم حتى تسمان و لبستها ما تعودش تجيها
*******
لا نسلط الضؤ على لي تشري و تدير و تدير و تدير برك
خلونا نشوفو البنت الأخرى لي يكون شرطها الهناء + مصحف و الشي لي يقدر عليه يديرو برك كيفاش راهي عايشة

جابلها المصحف لي شرطاتو و بدات في التجهيز للعرس
شرات 3 ولا 4 قنادر للدار
+
3 ولا 4 لبسات تاع عراس
+
3 ولا 4 سبابط و كيف كيف بشامق تاع دار
+
ما ننساوش حجابات لأنها من صفاة المرأة المتزوجة تلبس حجابات ما تلبسش سروال و تريكو ^^
تجيب قندورة من عند اختها تاع عرسها و اخرى من عند خالتها و هي ماشية و هاي دارت شورة ما شاء الله
متواضعة و غير مكلفة ..
بالنسبة للماكياج تشري قيس ما تدير برك يعني ما تكثرش وعلاش التبذير
قبل ما تروح تخطف رجلها للحانوت تشري زوج ميطرات زوج ميطرات تاع كتان واحد لام لعريس و واحد واحد لخواتاتو واش راحلها في عماتو و خالاتو؟؟

ما يهمناش بزاف واش جابت لي يهمنا انها هي لازمها تكون مقتنعة بالشيء القليل و مقتنعة من أنو زوجها برهن لها من انه يحبها يوم قام بطلب يدها فـ ما راحلهاش في كلام الناس و ما يهمهاش واش يشريلها و يديرلها باش يبينلها بلي راه يحبها

***
أمممممم
تأخر الوقت كثيرا و مزال عندي كلام بزااااااف ينقال
اذا سمح لي وقتي الضيق في أن أعود سأعود بإذن الله

دمتم بود أحبتي

آمنة

05-12-2011, 21:22 PM

منى وش راكي تديري هنا
امشي تقراي هههههههههههههههه

انتوما عولتي عليا تقتلوني من الضحك
ساع ما نكملش الموضوع

خوجة فارس

05-12-2011, 21:38 PM

هههههههههه واش يا منى قنالك ردي على ان اهل العروس هم المشكل جبتلنا مقالة

djenaoui

05-12-2011, 21:46 PM

ان هذا الموضوع يتطلب مناقشة موسعة و جدية في الطرح كما يتطلب مشاورة أهل الحل و العقد في المجتمع كبار السن خاصة و اقناعهم بأن السعادة الزوجية ليست مجرد مصاريف و بهرجة و ترف و تنافس في المهور و اللباس و غيرها ....
كما يتطلب شجاعة فذة و ارادة قوية و ثقة بالنفس عالية من طرف الفتاة تمنحها عدم الاهتمام بما يقوله الناس حول عرسها و ما جاءت به من بيت أبيها ، إذ أن المشكلة الاساسية في كل هذا هو الفتاة

آمنة

12-12-2011, 20:29 PM

السلام عليكم ورحمة الله تعالى وبركاته
وأخيرا... هاقد رجعت للموضوع

أحب أولا أن أحيي كل من مر من هنا وأخص بالذكر من علق

فعلا... بعض الردود تنحي على البال
وإن كان هي توصيف ساخر للأوضاع... لكن ربما تصل الرسالة هكذا أحسن

نكمل شوية برك انا الشي لي بقي ومن بعد ندخلو في المفيد

ما رأيكم فيمن تحتم على الأخ أو العم أن يشتري لها غرفة جلوس بأكثر من خمسة ملايين
وهذي بلاك خارجة على الموضوع
لكن نهار شفتها في الحي قدامنا تفاجأت
تخيلو أنو الشورة عادت تجي بالطبول
وكأنه إعلام لجميع الناس حتى يخرجو يتفرجو في المعرض

على كل ربي يهدي الخلق

أظن أن ما سبقني به الإخوة والأخوات كافي، ريثما نخرج بنقاط اخرى

وان شاء الله سيسير الموضوع مثلما اقترح الأخ زكرياء
ولكن ليس لتحديد قيمة المهر
وإنما لمحو فكرة انو هذي لازم وهذي لازم.... وكلمة لازم هذي هي لي تخلي الأب والأخ والعم مديون حتى ليوم الدين من وراء زواج ابنتهم

وتخلي الزوج يعيش ثلاث واربع سنوات بعد الزواج وهو يدفع ثمن كلمة لازم، وواش يقولوا الناس
وتلبية طلبات الست قبل الزواج، والتي يندم على اغلبها بعد الزواج
نسأل الله اللطف للجميع

إذا مبدئيا هناك اتفاق على أن (( المطارح)) المفروض 3 لا اكثر، هذا للتي عندها بيت مستقل
أما التي لا تملك بيتا مستقلا، ولن يكون نصيبها سوى غرفة... ماكان لاه تضيق عليها الحالة... نصيحة نرجوا ان تقبلها اخواتنا

مثل ما قالت ريم ( كي يزيد نسميوه بوزيد)
بالإضافة إلى أن أثاث بيت الزوج يكفي... وعلاه تضيق عليهم بـ 5 مطارح اخرين

بالمناسبة... أظن أن تقليد أو عادة المطارح هذه لا توجد الا في بعض الولايات على حسب معلوماتي
فمن المفروض أثاث البيت، الزوج يتكفل به

لكن كتقاليد لا ارى فيه بأسا إن لم يخرج عن نطاق المعقول
كون كل امرأة تحب ان تعمل مثل هذه الأمور بيدها، للتأكد من النظافة وغيره... لا علينا

نرجع إلى الملابس وهي الطامة ، والطامة الكبرى في الذهب، وسنصل إليه لاحقا

يعني... بالله عليكم... قندورة قطيفة أو اي نوع، قيمتها 5 ملايين سنتيم
ألا يعتبر هذا استثمارا فاشلا، وتجميدا للأموال
مش لو تصدقت بمليون، والأربعة الباقية تشتري بهم كل ما يبقى من مستلزمات ؟؟؟؟

المشكل انها مش واحدة وانتهى
المشكل انها (قناااااااااادر يا قنادر)
من كل الولايات والطبوع
هذي قسنطيني، وهذي وهراني، وهذي سطايفي، وتلمساني، وقبايلي، والآن انتقلنا إلى المروكي ( قفطان مغربي)، وزيد التونسي
أبصر وين حابين يوصلوا
عرض ازياء وطني وعالمي

ولما تسألها عن سبب كل هذا الزخم.... تقول: نشتي نلبس؟؟؟؟
:onion14:
لهذا قلت سابقا... المشكلة مشكلة أفكار وليس أشياء

والأحذية، خاصة الخاصة بالأعراس
في السابق، كان واحد فضي، وواحد ذهبي، وممكن واحد اسود وانتهى الأمر
فهذه الألوان تتماشي مع معظم الألبسة
أما اليوم.... أيييييييييييييه، بكل الوان الطيف
لازم كل فستان وحذاءه
المشكل لو كان الثمن معقول، ما عليهش
لكن إذا وضعنا في الإعتبار أنو ممكن الحذاء الواحد يصل 500 الف سنتيم، وإذا أضفنا له الحقيبة اليدوية الخاصة به، يعني ممكن تصرف مليوني سنتيم بسهولة على أحذية الحفلات... مع القندورة سالفة الذكر والصوف... خلص المهر هههههههههههه

هذا بدون ذكر العطور والصابون والشامبو وووووو
وكأن كارثة كبيرة ستحل بالبلد
يا بنتي طرف صابون يكفي، أو يا سيدي حتى لا ننتقل من أقصى اليمين إلى أقصى اليسار
4 قطع بزاف، والصابون يباع في كل مكان.....

ايه تذكرت شيئا آخر
أغطية المطارح طبعا... تخيلو أنه أصبح هناك أغطية المناسبات وأغطية الدوم ( يعني لكل يوم)
وكأنها عندها عائلة بعشرة أطفال، يوسخوهم، فلازم تعمل واحد خاص بالمناسبات وواحد بسائر الأيام
:onion10:

وبعد ان ينتهي المهر

تنتقل إلى هدايا العائلة، فتشترط على فلان خاتم
وعلى فلان، غسالة، وعلى فلان فرن .... وهي مثل ما قالت منى ممكن ما تعرف تعمل حتى حاجة في المطبخ

وربحت على الناس.... ولاو يعمروا في دارها بالسيف عليهم هههههههه

لا تنسوا الزربية، التي يمكن أن يصل سعرها إلى مليونين هي الأخرى
هو صحيح لما يدخل الواحد لمحلات الأثاث يندهش

لكن ذلك الأثاث موجه للبيوت التي عندها مدة وهي مكونة، وممكن أصحابها عندهم سنوات وهم يدخرون حتى يأثثوا المنزل بهذه الطريقة

فتأتي فتاة الألفية الثالثة الجزائرية، تريد أن تسكن بيتا كالذي كانت تسكنه ( ان كان والديها من ميسوري الحال) أو كالذي تحلم به
متناسية أن والديها بدأوا بأبسط الأمور، ورويدا رويدا تعمرت الدار

اي أنها تريد أن تبدأ حياة جديدة لكن على صورة من لهم أكثر من عشر سنوات مأسسين بيوتهم
وهذا خطأ كبير

أظنني سأكتفي بهذا القدر هذه المرة
ألخص أهم ما تم الإتفاق عليه، وتبقى النقاط الأخرى ستتم مناقشتها تباعا، حتى الوصول إلى سؤال الأخ الزعيم

إذاً... اتفق الطموحون على أنه حتى نبتعد عن الماديات والمظاهر ( وهذا حتى ولو كانت اسرة البنت من ميسوري الحال، فهي بذلك تكون قدوة لغيرها)
والله أشفق على الآباء الذين يجدون أنفسهم بين المطرقة والسندان
البنت من جهة تريد تقليد الجيران أو المجتمع عموما، وهو من جهة على قد الحال، لكن لا يريد ان يخيب ابنته، وأمها ايضا التي لا تتوقف من ترديد ( دير لبنتك... تخرج بنتك قدام الناس هك؟؟؟، بنتك رايحة وما تحقق لهاش طلب بسيط؟؟؟ ...)
وهي غير مبالية تماما بحاله........... ربي يكون في العون

كل مرة أقول الخص، ثم أتطرق لفكرة اخرى ههههه اسمحوا لي هذا او شي

المهم: المطارح: 3 بزاف
القنادر: مش لازم يكونوا غاليين، لأن الخزانة هي من سيلبسهم، وواحدة أو اثنين من التقليدي تكفي
الأخذية: تابعين القنادر، لي ما عندهاش الكثير من القنادر، اكيد لن يلزمها محل أحذية
أغطية المطارح: المفروض نوع واحد يكفي
مساحيق التجميل: لا داعي لكميات تكفي لتزيين نساء الجزائر كاملين....
والصابون: قلنا 4 قطع حتى بزاف، لن يقوم أحد بالحجر على البيت، كل يوم الخروج متاح، والإنسان يقتني ما يحتاجه من مستلزمات يومية
وكذلك العطور: اثنين تكفي

أنتظر التعليقات لنواصل بإذن الله

الرمال البيضاء

15-12-2011, 17:59 PM

السلام عليكم
شكرا امينة فعلا لا يستحق الامر كل هذا العناء من لازم ولازم...وقد وجدت ملفا كاملا لجهاز العروس في احدى المنتديات جزاها الله خيرا الاخت وضعت الاشياء من الالف الى الياء لكن اشياء كثيرة جدا خفت لو نقلت الموضوع يصبح معاكس لهذا....وقد علقت اذ قلت لها ارفقي في الاخير ثمن كل هذا....
لكن ربما انقله يوما ما كما قلت هي مكتبة ماشاء الله عليها ستعين الفتاة على تذكر الاشياء وليس عليها ان تقتنيها كلها فيوجد اشياء بمثل جمال الاشياء الغالية ولكنها اقل ثمن ما عليها الا ان تتحرى مواطن بيعها...فمثلا مفارش الاثاث يوجد مفارش تصل قيمتها لاكثر من 5000 دج لما هل مفارش 50 دج ليس جميلة وتفي بالغرض؟؟؟؟ هذا مثال بسيط وقس على ذلك...
اما فيما يخص المطارح كما قلت حنا في عادتنا 4 مطارح ولكن لاحظت ان الجميع يتطلم على اساس انها ستبقى في الغرفة في حين وكما رأيت في اسرتي وان العروس تخرج الفراش كله "اقصد المطارح والزرابي لتفرش به غرفة الجلوس لدى اهل زوجها "وهذه من عاداتنا اذ انها اول ما تعود من شهر العسل وحتى وان يوم لايضر ذلك شيء تقوم بجعل الهدايا لاهل الزوج الا ما ينفعها في غرفتها ام الاواني مثلا فتزين بها خزائن العائلة والفراش كذلك تزين به الغرفة كما سبق واخبرت غرفة الجلوس يعني...لذلك عادي وهذا لتظهر حسن نيتها في دخولها للبيت الزوجية وبعدها لو رزقها الله ببيت مستقل اكيد سيفتح الله عليها ولن يتركها اهل زوجها الا وهي راضية....هذه امثلة بسيطة.
سنبدا باذن الله قول ما يلزم وعلى صديقاتنا المتزوجات في المنتدى ان يفدننا بخبرتهن.في المتابعة

بدرالدين

19-12-2011, 13:26 PM

السلام عليكم و رحمة الله و بركاته.

بارك الله فيكم جميعا.. بالنسبة الي، هو واحد من احسن المواضيع المعروضة لحد الان في منتدانا.

كما ان التجاوب بين الاخوة و الاخوات كان جد ايجابي.. جزاكم الله خيرا.

الامر جاء بصبغة عملية كما يحب الكثيرون، لهذا كانت الردود تفاعلية، يعطيكم الصحة جميعا.

اعجبتني كثيرا فكرة ان اهلنا ( اباؤنا ) لم يبدؤوا حياتهم و منازلهم تحوي كل شيء، بالعكس.. فبعد سنين و سنين من الزواج يبقى البيت بسيط، و ينقصه الكثير من اللوازم.. و تستمر الحياة.

اظن ان فترة الخطوبة خاصة اذا طالت، او حتى الفترة الممتدة بين العقد الشرعي و الدخول تفيد كثيرا في التفاهم على ادق التفاصيل، و كتابة كل شيء،

يجب ان يدرك الزوجان من البداية ان الامر ليس بالسهولة بما كان، حيث ان مواجهة العادات و التقاليد و كلام الناس ليس بالسهل، لهذا عليهما ان يحظّرا نفسيهما جيدا، و ان يتثبتا في بعضهما لأنه و في النهاية هما من سيتحملان كل شيء..

اذا اردنا ان نجيب على التساؤل الهام الوارد في الموضوع المميّز..

لازم و مش لازم في الشورة ( الجهاز)..

لابد ان نعلم جيدا ان العادات و التقاليد تلعب دورا هاما في تحديد اللازم و مش اللازم، حيث لا يمكننا ان نعيش في معزل ( تماما ) عن العادات و التقاليد، كما ان هناك امور ضرورية فعلا..

الان، الشورى ( حسب منظوري ) تنقسم الى نوعين :

امور ل - عمارة الدار - اي افرشة، اغطية، اجهزة الكترومنزلية،..

و امور خاصة بالعروسة ( لباس العروسة ).

في كلا النوعين هناك امور ضرورية اكثر من اخرى.

ممكن للزوجة ان تقول ان عمارة ( او تعمير ) الدار هي من "واجبات" الزوج، و عليه ان يحظرها هو.. يدبّر راسو.

هنا يمكن ان نحدد تلك الامور فنقول:

تلفاز+ديمو ( 3 ملاين).
ثلاجة ( 2,5 مليون).
طباخة(3 ملاين).
غرفة نوم(10 ملايين اقل شيء).

لن اتجرّأ على حساب المجموع، لكن اظن ان هذه الامور ضرورية الى حد ما.

هنا، ربما الكثير لا يدخل في حساب الشورى هذه الامور..

أما عن ألبسة الزوجة، فأظن ان اللباس كما ذكر الاخوة مش رايح ينفذ في الاسواق، و هي اصلا لم تكن دون لباس في بيتها، خاصة اذا كانت تخرج من البيت ( دراسة او عمل).. اكيد راهي عندها على الاقل لبسة او لباسين يليقوا بالمقال، ممكن جدا تشري لباس واحد فقط، و يناسب الفصل الذي تزوجت فيه، اي اذا تزوجت في الصيف تشري لباس للصيف فقط، و من بعد ربي يجيب الخير.

اريد ان اؤكد على امر اخوتي، المهر هو للزوجة وحدها، تتصرّف فيه كما تشاء، فهو هدية لها، لا لغيرها.

ارجع قليلا الى الوراء..

المطارح، اذا كان الزوجان سيعيشان مع اهل الزوج و في غرفة واحدة، فلا داعي اصلا للمطارح، خاصة اذا كان المكان لا يكفي، يصبروا حتى يفرّج ربي، هنا ستقل كثيرا المصاريف ( ثلاجة، طباخة..)، لكن عليهما ان يحظرا نفسيهما جيدا للحياة مع الاهل، خاصة الزوجة ( فكل شيء بثمنه ).

امّا اذا كانا لهما بيت منفرد.. يحمدوا ربي و يشكروه، يمكنهما ان يعمرا بيتهما بالعقل، ممكن جدا غرفة النوم و الصالون فقط و بأبسط ما يمكن، تمر فترة الزواج ( و مصاريفه ) و من بعد بالعقل تتعمر الدار ان شاء الله.. و ربي يطرح باراكتو.

اظن انه من الضروري أن يتوعّي الناس، سواء الشباب، او حتى الاولياء، توجد امور في المجمتع يجب ان تتغيّر، هذا التغير لن يكون في ليلة و ضحاها، لكن يجب ان تتغيّر لانها خـــــــاطئة و تساهم بقوّة في التفكيك الاسري.

اردت ان ادخل رويدا رويدا الى الموضوع،..

متابع..

السلام عليكم و رحمة الله و بركاته.

آمنة

21-12-2011, 21:51 PM

السلام عليكم ورحمة الله تعالى وبركاته

شكرا لك أمينة على متابعة الموضوع
والإضافات القيمة.... طبعا مشاركة الزوجة لمفروشاتها مع أهلها الجدد
هذا عادي، ويجعل هذه الخطوة في الحياة جيدة لكلا الطرفين: البنت وعائلة الزوج
لإنها ستحس بالإندماج، والمشاركة هي اول خطوة في التعايش والإنسجام مع الأسرة الجديدة... وهذه أمور في عرفنا وتقاليدنا جيدة طبعا

أرحب أيضا بالأخ بدر الدين، وأحييه على الرد المميز... كالعادة

طبعا.... مواجهة العائلة ( أو العائلتين في بعض الحالاات,, فحتى أهل الزوج مرات يشرطو على الزوجة أمور تحير.... سبحان الله
مثلا: حنا جبنا لك اللويز.... دبري راسك... لازم الفم :onion41:
ولازمك قطيفة وحنا العرايس عندنا لازم لهم هذي وهذي )

قلت مواجهة العائلة، والمجتمع ونظراته ليس بالأمر السهل على الجميع، خاصة من يتأثر بكلام الغير
لكن يجب أن يكون للإنسان مبادئ راسخة
كلما تعرض إلى أمر ما. تشبث بها حتى يجتاز المرحلة

أرجع للتعليق على بعض ما كتبت، في أننا لا يمكن أن نعيش في معزل عن العادات

نعم طبعا... هذا بديهي
ما لم تكن هذه العادات سببا في إفلاس الأب هههه، أو تراكم الديون على الزوج، والأب، والأخ وكل العائلة
كلو علاه.... حابة تعيش..... وعلاه الحياة فيها غير اللباس؟؟؟؟؟؟؟؟

نقطة أخرى لم افهم وجهة نظرك فيها
لما تعرضت لأمر الثلاجة والبراد والتلفزيون... ثم قلت... كثير من الناس لا يدخلها في حساب الشورة

هل تقصد هنا أخي أن على المرأة التفكير فيها مثلا
أم أنه المفروض لا تكون هذه في حساب الشورة ( على عكس ما نرى اليوم,,,, وطقم الصالون أيضا اخي مع الطابلة في الوسط .. باش تزيدها في الحاساب هههههههههههه)
لأنو على حساب جملة اخرى أضفتها
وجزاك الله خيرا عليها

المهر للمرأة..... ولها وحدها، ولها حرية التصرف فيه
تحب حتى تشريه كاوكاو......
أو تستثمره أو تستثمر جزءا منه في مشروع أو غيره.... ما المانع؟

على كل.... هذا ليس موضوعي في هذا الرد

أعجبني أيضا اقتراح أن تقتني ألبسة خاصة بالفصل الحاضر
وحتى الفصول القادمة.... كل شي في وقتو مليح,,,,

حتى فكرة ( تعدي مرحلة الزواج ...) مليحة ... بارك الله فيك
فهذه المرحلة مكلفة حقا لكلا الطرفين والعائلتين

خاصة ما أصبحنا نراه من عادات نكاد نطلق عليها بدع من كثرة المبالغة في الإسراف
وربما خصصنا لها موضوعا خاصا بعد الإنتهاء من هذا

تمر المرحلة... ويبارك ربي ان شاء الله.... وكل فترة يديروا حاجة... حتى تتعمر الدار

في الأخير ... كلمة خفيفة فقط أقولها دائما لتخفيف الجو

إذا كان الرجال أصبحوا يعطيو مثلا مثلا 20 مليون وتجيهم الشورة معمرة من كل شي
من الكانابيات للمطارح، للصالون، للغسالة، الطباخة، الثلاجة، الكمبيوتر......
لباس الشتاء، الصيف، الأعراس... وما يشري لا صابون لا عطور لا أحذية حتى عام من بعد الزواج
أنا لو كنت مكانهم نزيد لها 5 ونقول لها تزيد معاها غرفة النوم، مع مطرح PRESIDENT

:byebye:
لا يزال حديثنا متواصلا
وفي مسألة اللباس والفراش.... لي عندو إضافات يتفضل
فربما انتقلنا بعد هذا للذهب............... هاجس النساء الأكبر

بدرالدين

25-12-2011, 21:00 PM

السلام عليكم و رحمة الله و بركاته.

بارك الله فيكم اختي امنة على تعليقاتك المفيدة و المحفّزة.. البعض من الردود المقتضبة في الجزء المقتبس..

السلام عليكم ورحمة الله تعالى وبركاته

شكرا لك أمينة على متابعة الموضوع
والإضافات القيمة.... طبعا مشاركة الزوجة لمفروشاتها مع أهلها الجدد
هذا عادي، ويجعل هذه الخطوة في الحياة جيدة لكلا الطرفين: البنت وعائلة الزوج
لإنها ستحس بالإندماج، والمشاركة هي اول خطوة في التعايش والإنسجام مع الأسرة الجديدة... وهذه أمور في عرفنا وتقاليدنا جيدة طبعا

أرحب أيضا بالأخ بدر الدين، وأحييه على الرد المميز... كالعادة

اهلا بك اختي الفاضلة.. تعلمين انّي اتشرّف بكلامك هذا.. جزاكم الله خيرا اختي.

طبعا.... مواجهة العائلة ( أو العائلتين في بعض الحالاات,, فحتى أهل الزوج مرات يشرطو على الزوجة أمور تحير.... سبحان الله
مثلا: حنا جبنا لك اللويز.... دبري راسك... لازم الفم :onion41:
ولازمك قطيفة وحنا العرايس عندنا لازم لهم هذي وهذي )

كارثة الكوارث.. ربي يهدينا.. كيفاه نحب الفكر يتطوّر مع تفشّي مثل هذه العقليّات...؟؟

قلت مواجهة العائلة، والمجتمع ونظراته ليس بالأمر السهل على الجميع، خاصة من يتأثر بكلام الغير
لكن يجب أن يكون للإنسان مبادئ راسخة
كلما تعرض إلى أمر ما. تشبث بها حتى يجتاز المرحلة

أرجع للتعليق على بعض ما كتبت، في أننا لا يمكن أن نعيش في معزل عن العادات

نعم طبعا... هذا بديهي
ما لم تكن هذه العادات سببا في إفلاس الأب هههه، أو تراكم الديون على الزوج، والأب، والأخ وكل العائلة
كلو علاه.... حابة تعيش..... وعلاه الحياة فيها غير اللباس؟؟؟؟؟؟؟؟

جيد جدا.. والله الحياة اكبر بكثير من تلخيصها في لباس او زينة.. سبحان الله.

نقطة أخرى لم افهم وجهة نظرك فيها
لما تعرضت لأمر الثلاجة والبراد والتلفزيون... ثم قلت... كثير من الناس لا يدخلها في حساب الشورة

هل تقصد هنا أخي أن على المرأة التفكير فيها مثلا
أم أنه المفروض لا تكون هذه في حساب الشورة ( على عكس ما نرى اليوم,,,, وطقم الصالون أيضا اخي مع الطابلة في الوسط .. باش تزيدها في الحاساب هههههههههههه)
لأنو على حساب جملة اخرى أضفتها
وجزاك الله خيرا عليها

التعليق في الاسفل..:rolleyes:

المهر للمرأة..... ولها وحدها، ولها حرية التصرف فيه
تحب حتى تشريه كاوكاو......
أو تستثمره أو تستثمر جزءا منه في مشروع أو غيره.... ما المانع؟

على كل.... هذا ليس موضوعي في هذا الرد

امّا فكرة استثماره فقد ذكر ذلك الشيخ علي الطنطاوي في كتابه الرائع ( مع الناس) حين تحدّث عن هذا الموضوع، و نصح بان تستعمل الزوجة مهرها فيما ينفعها سواء على المدى القريب او البعيد، و ذكر مثلا فكرة ان يستثمر المال في تجارة او ما شابه.. كل حسب ظروفه.

أعجبني أيضا اقتراح أن تقتني ألبسة خاصة بالفصل الحاضر
وحتى الفصول القادمة.... كل شي في وقتو مليح,,,,

ارى الفكرة مليحة.. انا تاني عجبتني بزاف.. نخمموا بالمنطق برك.. يخي كي تولي مرتو رايح يقوم بيها.. يعني في بالكم يجيبها للدار و من بعد يحرمها من اللّباس.. موحال.. خاصة في السنوات الاولى..:feel_good:

حتى فكرة ( تعدي مرحلة الزواج ...) مليحة ... بارك الله فيك
فهذه المرحلة مكلفة حقا لكلا الطرفين والعائلتين

اكيد.. مكلفة للعائلتين.. الامور اصبحت متعبة كثيرا..

خاصة ما أصبحنا نراه من عادات نكاد نطلق عليها بدع من كثرة المبالغة في الإسراف
وربما خصصنا لها موضوعا خاصا بعد الإنتهاء من هذا

نعم.. ان شاء الله نطرح موضوع حول " البدع " و المبالغات التي صارت تحدث في احتفالاتنا و اعراسنا بصفة خاصة..

تمر المرحلة... ويبارك ربي ان شاء الله.... وكل فترة يديروا حاجة... حتى تتعمر الدار

ان شاء الله.. و الاولى ان يكون ما بينا الزوجين عامرا.. كما قال الاوّل :
ليت الذي بيني و بينك عامر.. و بيني و بين العالمين خراب

مرّوها كما جاءت.. و اغفلوا:rolleyes:.

في الأخير ... كلمة خفيفة فقط أقولها دائما لتخفيف الجو

إذا كان الرجال أصبحوا يعطيو مثلا مثلا 20 مليون وتجيهم الشورة معمرة من كل شي
من الكانابيات للمطارح، للصالون، للغسالة، الطباخة، الثلاجة، الكمبيوتر......
لباس الشتاء، الصيف، الأعراس... وما يشري لا صابون لا عطور لا أحذية حتى عام من بعد الزواج
أنا لو كنت مكانهم نزيد لها 5 ونقول لها تزيد معاها غرفة النوم، مع مطرح PRESIDENT

سبحان الله.. ربما الكثير يفكر فعلا بعذه الطريقة.. و يقولك: حقّي.. مديتلها الشرط .. لازم تعمّر الدار.

من الاوّل نبداو بالحسابات الضيّقة.. ؟؟ هل ستكون بعد هذا المودة و الرّحمة؟؟

:byebye:
لا يزال حديثنا متواصلا
وفي مسألة اللباس والفراش.... لي عندو إضافات يتفضل
فربما انتقلنا بعد هذا للذهب............... هاجس النساء الأكبر

نعم.. نريد اضافات..

امّا فيما يخص ملاحظتك اختي امنة..

كي نجيو للصّح.. و بكل واقعية، تعمار الدار راهو واجب الرجّل، و المسئولية في هذا المجال راهو عليه، و من باب الاستطاعة او الباءة.. هذا هو الحق..

لكن، ربما الظروف او الحياة تبدّلت.. القصد ان اهل الزوجة و قبلهم الزوجة يجب ان يأخذوا بعين الاعتبار ان الزوج عليه الكثير الكثير من المصاريف و التكاليف خاصة في بداية الحياة، و من الضروري ان يفكروا قليلا في التخفيف عليه.. لا نقول يقومون بما يجب عليه القيام به، لكن على الاقل من باب الرحمة بالمسلم، و ابداء روح التضامن و لو المعنوي، و لو بالكلمة الطيّبة، فان استطاعوا مساعدته فعلا ماديا فلم لا، مع انّي شخصيا لا احبّذ ذلك.. ( كل واحد و طريقة تفكيره).

أفكّر دوما في ان اول الحياة و المعاملات بين الزوجين من جهة، و بين اهل الزوجين من جهة اخرى هي مفتاح العلاقة.. فان صلحت تصلح ان شاء الله العلاقة و ان فسدت و العياذ بالله، فاحتمال كبير ان العلاقة بين الزوجين ستتأثر و ربّما تنتهي سريعا، لذا وجب التفكير ابعد من مكان الانف.. و ابداء روح المعاونة و المساهمة في بناء تلك العلاقة بما يستطيع كل طرف.. اظن ان لفتة من طرف، لو حتى كلمة تفرق كثيرا في حياة الاشخاص خاصة الازواج.. هذا تخميني الى الان.

الحديث يطول، و الافكار كثيرة، ربما نحاول في كل مرة سرد ما امكن..

السلام عليكم و رحمة الله و بركاته.

سلمى

26-12-2011, 16:03 PM

السلام عليكم ورحمة الله وبركاته :

قبل كل شي اشكرك اختي امنة على طرحك للموضوع وكل الاعضاء لمشاركاتهم من خلال ردودهم.قبل الان لم يتسنى لي المشاركة واعطاء رايي في الموضوع

فادا جئنا باه نشوفو واش لازم وواش مالازمش فالجهاز نلقاو امور كتيرة
انا نشوف انو الوحدة دير وتدي معاه واش تقدر عليه خاصة مع غلاء المعيشة لي رانا فيه وادا جينا للصح ودرنا على كلام الناس واش جابت وواش ماجابتش سوا الايجاب او
السلب نلقاوهم يهدرو ويمنشرو في كلتا الحالتين.ادا كانت رايحة تعيش مع اهل زوجها علاه تدي معاها امور رايحة من بعد ماتستعملهاش هاد الشي رايح يكون تبدير فقط.
وادا كانت رايحة تعيش في بيت مستقل ترضى بالموجود ومن بعد ساهل ربي يدير التاويل بلا ماتخلي زوجها او اهلها في ديون ...
اما اللباس والله تحير تشوفها دايا معاها لقناطر تاع لحوايج ومن بعد طيشهم ادي قيسك وعلى حساب الموسم لانو من بعد بالاك تروح مودتهم او تسمن تو تضعاف وماهيش رايحة ضيع عند زوجها

لازم الوحدة تراعي ظروف عيلتها وزوجها وماتحملهمش اكتر من طاقتهم لانو كل شي يفوت كي يكون لهنا وراحة البال الدنيا ومافيها. ولوكان نديرو على كلام الناس فامور لجهاز مانسلكوش

+مريم+

26-12-2011, 16:19 PM

مشاء الله مشاء الله الف مبروووووك على الموضوع امنة الف مبرووك على التفاعل مشاء الله الان اطلع على ردوردكم وبزااااف ياربى نخلث ونولى نعلق ....واخيرا جا الدور للتعليق في مثل هذه المواضيع الحساسة والمهمة ....

لى عودة ........ا نشاء الله

حاملة الرسالة

26-12-2011, 18:52 PM

السلام عليكم
شكرا للجميع على المشاركة وأخيرا جاء دوري بعد إذنكم
أعجبتني كل المداخلات وأعجبني رد الأخ الفاضل بدر الدين اللذي قال
كي نجيو للصّح.. و بكل واقعية، تعمار الدار راهو واجب الرجّل، و المسئولية في هذا المجال راهو عليه، و من باب الاستطاعة او الباءة.. هذا هو الحق..

هذا هو المفيد، بارك الله فيك
إمالا أنا ليا
الرجل يعمر دارو كيما قدر "لا يكلف الله نفسا إلا وسعها" صدق الله العظيم
يقذر برك يشاةر المرأة الأنها أعرف منه في أمور البيت
أما المهر كيف كيف واش قدر وهو هدية على ما أظن
علاه سمطناه و ولا يتشرط
المرأة عليها تشري الأغراض اللازمة (لأنها ماش رايحة تتزوج بالخميس وتروح تدير shopping نهار السبت
ونجي للمفيد كيما يقولو
لو كانت فترة الخطوبة عام أي 365* 24 *3600 ثانية رمثلا
تصوروا أن في هذا العام الشغل الشاغل لها للأسف هو الصبابط، القنادر، ال.......
نقولكم حاجة بيناتنا
هيونداي تنتج 2943529 وحدة في العام (إحصائية عام 2011) ززيد وزيد
Alors une idée simple: pourquoi ne pas faire une compétition durant la période de "khotoba"
pourquoi pas "7ifd al koraan" (ou autres projets comme vous avez proposé)
et que le jour de "el-3ors" sera une double joie "khatm 7ifd koran+ bina' bait moslim"
يا جماعة رانا حابين نبنيو أجيال نباهيو بيها قدام الأمم
أجيال تحرر الجزائر من الإنتماء لدول العالم الثالث
أجيال تساهم في تحرير الأقصى
أجيال هي بالفعل أحفاد الأمير عبد القادر و مصطفى بن بولعيد وغيرهم من عظماء الجزائر
أجيال تهز راس الرسول صلى الله عليه وسلم قدام يباقي الأمم
كذا أجيال لا أظن تنفعها أو تفيدها
les conteneurs
تاع الصبابط و و و اللي راهي
made in china, italy, france ....
شكرا على القراءة
شكرا على التعليق أنتظر
سلام الله عليكم

آمنة

26-12-2011, 19:45 PM

السلام عليكم ورحمة الله

مشكور اخي بدر الدين على توضيح وجهة نظرك اكثر

هي وجهة نظر منطقية.... أن تعين أسرة البنت الزوج على لوازم البيت الكبيرة
فهذا بيت ابنتهم أيضا
لكن بشرط.... أن تكون الأسرة ميسورة الحال
وأن لا يتسبب هذا في ديون تخنق اي شخص لمدة سنة أو أكثر
وهي حاطة طقم صالون في البيت واحد ما يجلس عليه

سلمى.... سعدت كثيرا برؤيتك هنا
وسعيدة بردك

حقيقة لما قرأت عبارتك (( الوحدة تدي معاها واش تقدر عليه ))
فهمتها بطريقة اخرى
لأنو فعلا البنات أصبحوا يخملوا الشي لي يقدروا عليه
هههههههههههههههههه ربي يهدي الجميع ان شاء الله

وفعلا، إرضاء الناس غاية لا تدرك..... وأظن إلى هنا الكل متفق على أن البنت هي المتصرف الحقيقي الوحيد في المهر
فإن شاءت تطنيش العائلات والعادات والتقاليد
وتعمل ما تريد.... قد تواجه صعوبة في البداية، لكن الكل سيرضخ للأمر الواقع

مريم.... في انتظار عودتك

أما حاملة الرسالة,,,, فحقيقة رد راااااائع
خاصة الختام
فبناء جيل النهضة المنتظرة، لا يتم بتتبع مثل هذه الأمور
وزيارة كل أسواق الجزائر
وكل الخياطات، والإقتناء من كل الموديلات.... وتخريب بيوت وجيوب الناس

وهذا لا يعني طمس كل العادات والتقاليد.... ففي عاداتنا ما يجعل البنت تحس كأنها أميرة
وتعطي قيمة كبيرة للحياء والعفة...... وتفضيل طريق الحلال

طبعا لي عودة لإتمام الموضوع

زكرياء

27-12-2011, 09:47 AM

السلام عليكم
شكرا للجميع على المشاركة
يا جماعة رانا حابين نبنيو أجيال نباهيو بيها قدام الأمم
أجيال تحرر الجزائر من الإنتماء لدول العالم الثالث
أجيال تساهم في تحرير الأقصى
أجيال هي بالفعل أحفاد الأمير عبد القادر و مصطفى بن بولعيد وغيرهم من عظماء الجزائر
أجيال تهز راس الرسول صلى الله عليه وسلم قدام يباقي الأمم
كذا أجيال لا أظن تنفعها أو تفيدها
les conteneurs
تاع الصبابط و و و اللي راهي
made in china, italy, france ....
شكرا على القراءة
شكرا على التعليق أنتظر
سلام الله عليكم

و عليكم السلام ورحمة الله تعالى وبركاته

بارك الله فيك

حقا لازم يكون التفكير اسمى من انو رايح يكون بضائع تنقل من منزل الى منزل

و الله المستعان

لمياء

27-12-2011, 09:54 AM

405

و الله يا أمنة موضوعك عامل فوضى أقصد نقاش كبير بين الأعضاء مبارك لك.
في الحقيقة الأمر المهر هو حق الزوجة دون منازع و هي ما شاءت فعلت به فلا دخل لأحد حتى الزوج فان شاءت هي صدقته أو وضعته في حسابها البنكي أو تستثمره في مشروع فهو حقها و ملكلها وحدها و لكن أرواح أنت و فاهمهم :beat_shot: فالأن أصبح أهل العريس لما تروح الشورى يجيو يطلو لكان عادت لمت الي في دار و جاءت أي مليحة هاذي العروسة و عينيها زورق مناه مبهدلتش بيهم قدام الأحباب و الجيران و لكان جابت قساط سواردها اقصد قيس شرطها أوووووووووووووو يا ويلها و بنهارها تجي مكروهة مناه بهدلت بيهم و هادي شورى يجيبوها لعباد و علاه الشرط الي مدينالها واش دارت بيه ؟؟؟؟؟ سبحان الله.
صحيح الرجل هو المسؤول عن البيت و كل ما يلزم الأسرة لكن كون وقتنا هذا غلات المعيشة فلا بأس اذا تعاونو على أعباءه معا و ان هي أرادت تعينه في تعمير البيت من خلال مهرها أين الحرج .
لي عودة ان شاء الله.

زكرياء

27-12-2011, 10:04 AM

و عليكم السلام ورحمة الله تعالى وبركاته

يالمياء فلربما ماتعلمين بأمور عدة

في الحقيقة الأمر المهر هو حق الزوجة دون منازع و هي ما شاءت فعلت به فلا دخل لأحد حتى الزوج فان شاءت هي صدقته أو وضعته في حسابها البنكي أو تستثمره في مشروع فهو حقها و ملكلها

من قالك

صدقي او لا تصدقي

يوم ماجات الشورى لأحد الاشخاص دخل الغرفة بورقة وقلم و آلة حاسبة حتى يعلم اذا كانت امولها كلها أو ناقص منها

و الله المستعان

وكون نحكيلك على عقلية آو حقها وهدية للمرأة قصص عجيبة وماهي بغريبة او جديدة عليكن معشر النساء لأنها قصص تتداول على كل لسان بين الجنسين

و الله المستعان

لمياء

27-12-2011, 11:17 AM

411

نعم أخي زكرياءفقولي هذا جاء لما نسمعه و نعيشه في مجتمعنا.
شفت من خلال المناقشة العيب أيضا ليس في البنت و أهلها فقط بل في الزوج و أهله؟؟؟ و لا ما ردكم يا أعضاء .

الطموحة

28-12-2011, 12:28 PM

السلام عليكم ورحمة الله وبركاته

موضوع ماعندي مانقدر نزيد فيه من حيث التعليقات
:f6eb47d3:
لكن لقيت حاجة نزيدهالكم .... رايحة تفيدكم اكيد هههه
:onion53:
هاذي شورة تع وحدة كتبتها وانا رايحة ننقلهالكم....ههههه اليكم القائمة

:037:

بسم الله ابدا

الفراش

التروسوات
1 كروشي
1 برودي
1 تاع لاقيبار
1 تاع ساتان +برودي
2 تاع الورد

الدراوات
2 دراوات عاديين موردين
2 دراوات نخدمهم بلاقيبار
4 دراوات تاع كل يوم

2الكوفرولي
2 زاورة
2 كوات
2 كوات خفاف

القنادر

تاع الدار
12 قندورة

تاع الشتا
10 قنادر

(يا امي رايحة تدي 22 قندووورة )
:onion41:

3 روب دو شومبر

6 بيجامات

زربية بولادها
كاش ريدو
2 بوفات
صالو ماروكان
4 طرحات خفاف

سيشوار
حداد
2 فازات صغار
2 فازات كبار
2 اباجورات
بوات مكياج صغيرة
بوات ماكياج كاملة كبيرة
مزيل المكياج
مثبت المكياج
مزيل المانيكير
شمبوان جال دوش صابون
بوشات تاع الحمام فيها كلش
2 ريحة متنوعة
2 ديودوغو

الذهب

(هاذي هي لابارتي الممزية في كلش صراحة عجبتني بزاااف ههههه)

4 مقايس

2 سناسل 1 طويلة فيها ميداية و 1 من صغيرة و عريضة

1 علالق صغار و 1 علالق مدورين كبار

4 خواتم 2 تاع قرازييلا و 2 عاديين

محزمة مشبكة

ليكسسوار

طقم كامل تاع الروب دو مرياج
حمالة تاع البورتابل 1 بالحرج تاع عراس و 1 عادية تاع ديما
2 بروش تاع لخيمار+ مساسك
2 سوايع 1 عادية تاع كل يوم 1 ذهبية تاع العرس
مساسك تاع الشعر + دي شوشو + مساسك تاع شباح صغار

السبابط + الصنادل + البشامق اكرمكم الله

2 سبابط تاع الخرجة
2 سنادل تاع الخرجة
4 صابوات تاع الدار باهيين
2 بشامق تاع نيلو للتسياق والوضوء

صندالة + صباط بيض تاع العرس على حساب فاه ندخل شتا ولا صيف
صابو تاع نهار الحنة وردي

صنادل تاع التصديرة
1 حمرا تاع روبة قبايلي
1 قري تاع وهراني
1 موف تاع الكوكتال و الهندو (اي هندو ياو وولا فيها ههه)
1خضرا تاع السطايفي

و الباقي مازال ما نيش مقرة الالوان

(ومازالت البقية ماتقولوش هاذا برك )

حوايج الصلاة

صلاية مسواك مصحف لباس الصلاة كتيب الاذكار

حوايج راجلي

صابون شومبوا جال دوش بواة تاع الصابون كاسة بروسة حوايج الحفافة كوبونقل

حوايج الزينة

2 كادرات
2 دي سوندلي
4 فازات

المخاد

2 تاع ورد
2 تاع فلة
2 تاع ستراس
2 تاع لاقيبار
2 تاع برودي
2 تاع كروشي

النابات
7 موديلات + تاع المفاتح 3

الخيمارات

6 خيمارات

الفيزوات 4

الصيكان

2 تاع خرجة
2 تاع التصديرة واحد فضي و واحد ذهبي
1 تاع العرس ابيض

طقم الحنة

مرش تاع الريحة 2 مخايد كاري و مخدة شكل قلب طاسة نتاع الحنة و ليقواة

سيوانة صغيرة

المنشات

1 وردي تاع الحنة و 1 بيضا تاع الدخول و 1 ذهبي تاع كل القنادر

الطابليات

2 تاع نيلو تاع الغسيل
2 تاع التقديم كي يجو ك الضياف
2 تاع العرس

2 فاليزات

حوايج النحاس
الوضاية +2 مرش تاع الريحة +2 طباسة تاع الحنة

كابة صغيرة تاع الحمام

عباية
جلابة
اونسومبل تاع الخرجة
حجاب

حاملة الرسالة

28-12-2011, 12:54 PM

السلام عليكم ورحمة الله وبركاته

ههههه
10/10
يا وخدتي على الراجل مسكين ( زوج، أب، أخ؟؟)
السلام عليكم ورحمة الله وبركاته

الطموحة

28-12-2011, 12:57 PM

هاذاك المودال اللول تاع الشورة

دركا نزيدكم المودال التاني فيه بعض الاضافات طبعا

الفراش
4 كوات
2 كوفرلي كوات
6 زور
4 مطارح صوف
2 مطارح بونج
4 زرابا تاع الارض
12 بساط 10 صوف و2 بونج 2 الوان
ديسوندلي
2ريدوات +كاش ريدو
بارير
فراش تاع كروشي
4كوفوغلي
8دراوات
صالون ماروكان
مخاد تاع الحساسية وحدة ليا وحدة لزوجي ودرتلهم الغلافات تاعهم
:OnionCN_60:
2تفريشة للصالة باه نبدل مع الصالون ماروكان
هذا فراشي

ضرك حوايج الشتاء تاني كملتهم بقاولي غير تاع الخرجة مانيش دايرة لاني نزوج في الربيع يعني من بعد مانلبسهمش كي يدخل الشتاء نشري

2قنادر قطيفة للمناسبات
2بيجامات للمناسبات
2بيجامات لكل يوم
2قنادر لكل يوم
2فيزوات خشان
6ريحيات حسب الوان القنادر و البيجامات
2خيمارات تاع شتاء

الذهب
محزمة مشبكة
شركة خشينة
سنسلة تاع القرافات
كوردون فيه موتيف تاع العين في قلب
وعطاتني ماما كوليي تاعها
4مناقش 2تاع مناسبات و 2للدوام
براسلي تاع الموتيف
5خواتم + تاع الخطبة

(6 خواتم؟ كل صبع بخاتم ههه يا من درا لكان كل صبع بصنعة هيهيهي)
:onion47:

وضرك للحوايج الي مازالو ماكملوش

حوايج الصيف
6 قنادر لكل يوم
2 بيجامات بالبونتاكور
2 قنادر تاع بيزو بيزو للمناسبات و مازال راح نخيط 2 اخرين

حوايج التصديرة انا هكا قلت يكفي مع الي يزيد يجيبهوملي الراجل في الكسوة

كوكتال ثقيلة
فوطة و بلوزة
منصورية
تايور
روب صواري
وكل حاجة فيهم درتلها صابو سواري بالصح البوشات ماكثرتش درت زوج وحدة في الدوري و الاخرى في الارجونتي وعندي وحدة في الفير هي و الصابو تاع الصواري

حوايج الكوزينة

درت فراش للكوزينة
:onion54:
فيه ريدو
و طابلية
و تاع الخبز
:onion31:
وغلاف للفريجيدار
و للفور

وشريت تاني
فور
كويزنيار
كيكوت
بريس تاع قهوة
تيرموس
سيرفيس كامل
ماشينة لافي كملت دراهمها و مازال ماشريتهاش

:1b38f9e2:

بدووون تعليييييق

الطموحة

28-12-2011, 13:06 PM

وعليكم السلام ورحمة الله وبركاته
ههههه هاذا بكل هبااال

ربي يلطف بينا برك...راهو نقول هاذا ههه

السلام عليكم ورحمة الله وبركاته

ههههه
10/10
يا وخدتي على الراجل مسكين ( زوج، أب، أخ؟؟)
السلام عليكم ورحمة الله وبركاته

زكرياء

28-12-2011, 14:29 PM

السلام عليكم ورحمة الله وبركاته

بسم الله ابدا

حوايج الصلاة

صلاية مسواك مصحف لباس الصلاة كتيب الاذكار

حجاب

و عليكم السلام ورحمة الله تعالى وبركاته

الحمد لله كي مانسات هذه الاشياء

خوجة فارس

29-12-2011, 21:57 PM

حاملة الرسالة

30-12-2011, 14:54 PM

السلام عليكم ورحمة الله وبركاته
شكرا لك أختي الطموحة
للأسف هذا هو الواقع
ولاكان حبيتي زيدي العياد و و
للأسف الواقع المر الشورة راهي حاجة مقدسة
قيس حرمات الله جل في علاه "عادي Normal"
دير retard عن صلاة الفجر "عادي Normal"
قول هاديك الحاجة ماش لازمة في الشورة
"واش بيك مهبول هادي لازمة مافيهاش قالو" مقدسة sacrée
أستغفر الله
الحمد لله على نعمة الإسلام
الحمد لله منزل القرآن
هذا الكتاب الذي نقرأه فيذهب عنا الهم والغم والحزن وتغشانا الطمأنينة
الحمد لله الذي قال في كتابه الكريم "رب إني لما أنزلت إلي من خير فقير" صدق الله العظيم
ولم يقل
الفراش...............
.............
التروسوات..........
محزمة مشبكة...........
حاشى لله استغفر الله
شكرا على القراءة واسمحولي
سلام

آمنة

04-01-2012, 19:32 PM

السلام عليكم ورحمة الله تعالى وبركاته

في كل مرة تتحفونا برد زي
يعني اصبحت فيها حسابات بالقلم والآلة الحاسبة

وماذا لو وجد أن قيمة الشورة ضعف ما أعطاه هو كمهر؟؟؟؟ ماذا سيكون الموقف؟؟؟
هل سيضيف؟؟؟؟؟؟؟؟؟؟؟؟؟؟؟؟؟؟
سبحان الله ... عقلية الماديات

على كل ربي يلطف بالعباد

اما ما نقلته الطموحة من نماذج يحتذى بها:onion47:.... الله يبارك

4 couettes.... علاه رايحة ترقد في الخلا وتغطي بيهم كامل ويا ربي تدفا:onion34:؟؟ سبحان الله

على كل... أظن ان ما قيل فيما يخص اللباس كافي بشكل كبير
وحتى بدون عمل ملخصات... أظن أن أسلوب طرح الأعضاء كفيل بالتنبيه وتوصيل المعلومة

لكن علينا عمل ملخص في الختام... يعني بمثابة توصيات

ننتقل الآن إلى أهم سؤال؟؟؟

بالنظر إلى معطيات وقتنا الحالي

هل الذهب حاجة لازمة ؟؟؟؟؟؟؟؟؟؟؟؟؟؟؟
أنتظر مشاركاتكم وأراءكم الساخنة

خوجة فارس

04-01-2012, 20:00 PM

مممممم الذهب شيئ غير لازم ياريت يحذف من الجهاز أصلا معدا الخاتم أو حتى الخاد يكون من فضة أحسن و أفضل

لمياء

10-01-2012, 14:11 PM

آمنة

16-01-2012, 20:24 PM

مممممم الذهب شيئ غير لازم ياريت يحذف من الجهاز أصلا معدا الخاتم أو حتى الخاد يكون من فضة أحسن و أفضل

ممممممممممممممم حاب يعملوا النساء حرب ضدك هههههه

كيفاش تقول لهم غير لازم؟؟؟؟

يا اخي الإنسان يجب ان يكون متوسط ومعتدل في هذه الأمور
صحيح هي ليست بالسنة ولا بالضرورة القصوى

لكن وش تحب تدير.... حتى الرسول صلى الله عليه وسلم أقر بحب النساء للذهب في قوله
(( أهلكهن الأحمران: الذهب والزعفران ))

لكن على الواحدة أن لا تبالغ....

وزيد كيفاش يا اخي...... تستخسر خويتم فيمن تترك عائلتها... والديها... أحبابها... بيتها الذي تربت فيه؟؟؟
ممممممممممممم:onion48:

آمنة

16-01-2012, 21:13 PM

505

أشووووووووووووووو أمنة كون يسمعوك:th_0b1213e1::aac6cae1:
الذهب موش حاجة لازمة أستغفري مولاك يا طفلة و هي أول ما تلبس خاتم الخطوبة و ناس العريس مازال في دارهم و هي و الله الشرط الي يمدوهولي ندفعو عند الصايغي نهز بيه حاجة ذهب مع كاشمة يجيبولي في الأعياد هيه قلت الأعياد مناه هومة الي يعانوا الطفلة مناه أم يجيبو فلايك و مسايس و مع الحنة محزمة و لا كرافش بولحية و علاش لا سخاب و هذا لا مكانش تقولك البلاكيور أو كاين؟؟؟.
يا بنتي خافي ربي الذهب عاد غالي و موش حاجة لازمة و الله أنا من عندي كون ينحيويه موش خير، صح يبقى زينة المرأة بصح موش شيء تاع الهبال يعني سنسلة و خويتم خلصت.
بانتظار بقية الأعضاء لوضع مشاركاتهم و أرائهم و لي عودة ان شاء الله.
:onion19:

هههههههههههههههه مليح العليق

يبدو أن البقية مش جايين,,,, خافوا كي عدنا نحكيو على الذهب

على كل............. الأمر مثلما قلت لمياء
ولو نحبو القليل من الحساب

لما يكون خاتم بـــ 3 ملايين
والعقد ( السلسلة ) بــ10 ملايين
والمسايس: 20 مليون
هذا بدون الحديث عن اللويز، والفم، والمحزمة مشبكة .... هذو ما كان لاه نعطيكم السعر تزيدو تعتزلو المنتدى خخخخخخخخخخخخخخخخ
والفلايك بــ 3 ملايين مثلا ( لست ادري)

(أين عبد الرزاق باش يطلع الحساب )

يعني نقدروا نقولوا 35 مليون وحدها للذهب.....

وهذا يا جماعة: راهي حاجة حاجة من كلش
:04a97f13:
هذا ... لم نتكلم عن قانون:

سلسلة طويلة وسلسلة قصيرة
وخاتم تاع دوم وخاتم كبير
وفلايك للقنادر، وفلايك تاع دوم

يعني تقدروا تضربوا المبلغ في اثنين بدون خوف أو تردد
:onion30:
هذا ولا تنسوا بأن معظم هذه الأمور مستقلة عن المهر
يعني... كل هذا بالإضافة إلى المهر

فإما يديوها في عيد، أو مولد

أو تحتم على والديها يشريوها لها..( ولا يهم ما يأكل إخوتها بعدها.... المهم تكون تقطر بالذهب وخلاص )

أنا أناشد البنات أن يتقين الله في هذه الأمور

يا جماعة لو تعاند الواحدة الذهب... ما تخرج من عند الصايغي

لا إفراط ولا تفريط.... كل حسب مقدوره
ومثل ما قالت لمياء: الــ( plaqué or) راهو معمر الواجهات

ولا يتفرق من الذهب الحقيقي... وإن كنت تريدين الزينة... فهو كافي ووافي للزينة
وإن كنت تريدين غير ذلك... مممممممم .... مثلا تريدين في مدة اشهر أن تجمعي ثروة على ظهور الناس... هذي حاجة اخرى

وهنا يدخل فيها الرأي المقابل,,, الذي وددت أن يُطرح: قال لك الحدايد للشدايد

نعم الحدايد للشدايد لما يديرهم العبد بشطارته..... أو يكون عملهم أمر سهل
مثل القديم: كان الذهب في مقدور الجميع
وكانت كل النسوة يملكن الخلخال، وبقية المجوهرات من باب أولى

لكن مع غلاء المعيشة الذي نعيشه..... أظن أنه لا أفضل من تقوى الله يخبيها الواحد للشدايد

(( ومن يتق الله يجعل له مخرجا ويرزقه من حيث لا يحتسب ))

وأي تقوى أفضل من أن النساء يتنازلن عن شروطهن التعجيزية، حتى يسهل امر فتح بيوت مسلمة

للحديث بقية ان شاء الله، مع اسئلة الأخ الزعيم

+مريم+

25-01-2012, 12:52 PM

السلام عليكم ورحمة الله وبركاته

كيف حالكم ياجماعة الخير سبقتونى بالردود .معليش كنت مشغولة بالدراسة

صراحة بقيت غير نقرا ،، ومزلت مخلصتش خاصة ردود لقبلى ومقريتهمش مليح ......لى عودة لانى راحا نرد عن راى وليس ب تعليقا على ردودكم

مشاء الله على ردودكم ناتجة عن وعيكم الكبير بأمور الشورة خاااصة ذكور ،، والبنات وعى راقى مشاء الله عليكم

اما بالنسبة ل الشورة ،، فكون جينا صح بنات وفوحل ،، الشورة اصلا المرأة متقلقش روحها بها ،،
لان الأصل لما تروح بيت زوجها تلقى البيت كامل ومجهز من مجاميعه حاجة ماتخصة من ضروريات اساسية للبيت ونسطر عليها 100 سطر (لافراط ولا تفريط هنا) بيت يعيش وخلاص

+ اضافة الى ذلك تحب تختار هيا بنفسها وتعمر الدار
والراجل يخلص .... هههه ترجع بين الزوجيين هذييييك ؟؟
هذا هو الصح ......مهرها تديه كامل (مبلغ لاتنفقوا عليه) اكييد لازم يكون مهر بسيط عملا بالحديث (أقلهن مهرا اكثرهن بركة)
ومهرها تمتع روحها بيه ودير وش تحب بيه ....مش كما حالت الاغلبية يروحو يخسروه على شورة تحت غطاء (باه ميقولوش اى مداتش بزاااااااف،، وشبيكم من بهدلش بعمرى وكيفااااه)

ا
ذن الصح : مهرها يكون بسيط ويناسب زوجها .....والحوايج لتدى مقلناش متديش تانى
خلاص : تأخد حقيبتها فيها كل ضروريات من لباس ..واكيد من الذوق وليس امرا ان تتفضل بشراء هدايا لناسها
وخااااصة هدااااايا لزوجها .....واكيد حوايج التقليدية
وكيفاه ضروريين تانى راح يديرهم الزوج!!!!
هديك هياااا دبر راسها تحب تكون تقليدية فى العادات واللبس ..... عليها وعلى $$$$$$$$$$$$دراهما

اذا حبيت تدى شيء خفيف ،، فيها باركة كندورة قطيفة وشامسة ،، وروب تع سهرة .....و3 صبابط مع كل كندورة

وعليها فقط كما يجى عرس وحبت زيد تشري كاين ....السيد زوجها يدبر راسو ههه
وهيا تهنات من شورة وغسيل صووف

اممم نسيت الذهب : ام من هدايا زوجها وناسها تصدر الذهب شويا وهيا تزيد تدير لروحها ولا والديها
يدرولها واكيد الذهب الضرورى فلايك مقياس سلسلة خاتم ولا 2 بكفى لا حبيت زيد ربي يسهل عليها لتما تولى تخلط مع الاصطناعى هه

وكيفاه ......
هذا وللحديث بقية مزلت لم افرغ قلمـــــــى هنا .........كاملا ساكتب حتى يخلص حبره ههه ......
ونخرج ان شاء الله بما يفيد الموضوع ويحل المشكل القائم ونضعه تحت المجهر ....ونقضي على هذه الظاهرة
اكيد تبدأ من انفسنا .....قبل الاخريين
سلام عليكم
فى امان الله

لمياء لمياء

07-02-2012, 21:27 PM

السلام عليكم و رحمة الله تعالى وبركاته اما بعد ههههههههههههههه والله لم استطع قراءة جميع الردود لكن اعجبني رد الاخ زكرياء و بما انني في خضم الموضوع لاني اعايشه منذ فترة فنصيحتي كالاتي من الافضل في البداية ان تؤخذ ورقة بيضاء ليكتب عليها الاولويات بالترتيب و هذا لكسب الوقت ولا يكون هناك داع لشراء لوازم انت في غنى عنها لم يكن لي الوقت الكافي للتفكير بكذا فكرة من قبل لكنها ساعدتني كثيرا في الفترة الاخيرة اما بالنسبة للضروريات والكماليات فيختلف تقديرها من فرد الى اخر وهذا حسب الدخل كما يقول المثل الشعبي على قد لاتساع مد رجليك فما قد يمكن لشيء واحد ان يختلف فيه اثنان فما اراه انا ضروريا قد يراه اخر كماليا وهكذا كذلك العادات والتقاليد تلعب دورها في مجتمعنا فمن غير المعقول ان تخرج عروسة من غير جهاز هههههههههه و من غير قطيفه امينة هههههههههههههه ومن غير مطارح وصبابط و فراش كبير وصغير وزرابى و"ذهب "لكن رايي يبقى دوما وابدا انه الانسان مالازمش يكلف روحه والسلام عليكم كنت حابة نحطلكم الاشياء اللي وجدتها انا بصح مرة اخرى ههههههههه ان شاء الله

آمنة

07-02-2012, 21:53 PM

أهلين لمياء

جميل جدا ان الموضوع راق لك
مليح المثل الذي اعطيتنا
وجميل ان كل واحد يتماشى مع ما هو متوفر ومتاح

لكن من ناحية اخرى، هذا قد يؤثر على اصحاب الشخصيات الضعيفة
إذ أن بعض البنات يحتمن على الأهل شراء مستلزمات مثل " صديقتها" أو " بنت عمتها"

وتحتم على الزوج شراء فستان في زيارة العيد، مع أقراط " فلايك"
لأن بنت خالتها جابوا لها.... وارواحي وافرزيها

ضف إلى أن هذا ليس بالأمر المهم، ان تذهب الفتاة بدون قندورة معينة، أو خمسة كيلو ذهب
لأنها هي التي ستلبس، وإن تكلم الناس... سيتكلمون عنها هي
وصدقيني.... مهما تعمل...فلن يرضى عنها الناس

مالا .... ترضي رب الناس... والناس... كل واحد يروح لدارو وينساو وش جابت ووش ما جابتش

جميل العودة للموضوع
في الحقيقة انا لم انسه
وأسئلة الأخ الزعيم هي اول ما كنت سأبدأ به اليوم
فجاء رد لمياء
غدا ان شاء الله اعيد نقل الأسئلة هنا، حتى يتم الرد عليها على ضوء النقاشات لحد الآن

حتى نخرج بالنتيجة من هذا الموضوع
وننتقل إلى هم آخر من هموم الأخ عبد الرزاق وأهله والمحيطين به

سلام

همسة أمل

10-02-2012, 16:04 PM

sujet trés interessant....et trés important
j'ai une petite remarque secondaire....la gandoura "fergani" ta3 al katifa "est trés symbolique pour moi et ça fait partie du patrimoine culturel et traditionnel constantinois ,wallah ça me fait un grand plaisir le fait de voir la voir portée par femmes constantinoises
concernant le reste des points je vais les discuter ulterieurement
barak allah fikom
avant de quitter cette page je vous pose tous une question: faites vous un jour ce que vous avez déjà citer dans vos reponses une fois vous serez concernés et touchés par ce sujet?en attente de vos reponses

آمنة

10-02-2012, 18:29 PM

أهلين أهلين بهمسة أمل

الحمد لله ان رأينا لك مشاركة

بخصوص قندورة القطيفة.... يا مريم اختي... العادات والتقاليد على العين والراس لما تكون في متناول الناس
خاصة وأنه لم يبق منها شيء... إلا القليل

يعني مثلا مثلا ... قندورة قطيفة، تساوي 6 ملايين سنتيم
يعني هل يعقل أن تضع الواحدة مبلغ مثل هذا في فستان قد تلبسه مرة في السنة

وبعد مرور ثلاثة سنوات... يصبح قديم... وموضة قديمة؟؟؟؟

شخصيا لست مع هذا في شيء
وإن كانت التقاليد تتعارض مع المنطق والعقل
وتحشر النساء في زمرة المسرفين... فأدعو الله ان لا اكون منهن
أو على الأقل اقلل وادعو للتقليل من الظاهرة قدر المستطاع

اما بالنسبة لسؤالك الأخير
بغض النظر في اي المواضيع طرح
لما الإنسان يكون صاحب مبادئ... قد يعترضه امر ما ويتردد... وقد يتأثر قليلا بكلام الناس
لكن ان كان مؤمنا حقا بالمبادئ التي وضعها لنفسه...... اكيد سيختار المبادئ، ولا يأبه لما يقوله الناس او المجتمع
فإرضاء الناس غاية لا تدرك

وهناتحضرني الأبيات

فليتك تحلو والحياة مريرة... وليتك ترضى والأنام غضاب
وليت الذي بيني وبينك عامر... وبيني وبين العالمين خرب
ان صح منك الود فالكل هين ... وكل الذي فوق التراب تراب

همسة أمل

10-02-2012, 19:24 PM

شكرا امنة
تماما انامعك فيما يخض مسألة التبذير لكن القندورةالقسطينية بالذات لا ارى فيها اي تبذير ولا تذهب موضتها
يعني 6ملايين او اقل مرة في الحياة لا شيئ امام مصاريف من هنا وهنا تذهب يوميا في اشياء لا قيمة لها
يعني لو حسبناها رياضيا نحن نصرف في العام الواحد بين تلفون وخرجات وغيرها الشيئ الكثير مقارنة لشيئ من الموروث الثقافي الجميل جدا واللي يقتنى مرة في العمر ,,, لم اسمع بامرأة اشترت قندورة جديدة بعد اللي اقتنتها في شورتهاليس من ناحية المال ولكن من ناحية القيمة المعنوية
شخصيا ارى ان قندورة قطيفة مع قفطان PRATIQUE مع فستانين مثلا يكفي و يوفي امام 7 قنادر كل وحدة لون ونوع( la qualité et non pas la quantité )
وتبقى المسألة مسألة ذوق يعني امور مثلا انا لا احب اصلا ان ارتديها غير يحب

لي عودة مع بقية النقاط

Merry

11-02-2012, 18:22 PM

salam alikom wa rahmatou allah wa barakatouh
de ma part j'aime bien "el9atifa" j'adorais voir les autres portaient mais je penserai pas que je vais la faire a mon tour lakatab rabi nchallah
je suis avec lamia lamia et +meriem+ d'une part chacune a la signification de l'essentiel de son point de vue et d'une autre part si elle est intéligente elle va acheter nchallah quand elle se marira c'est vrai pas tout au début du mariage mais juste après elle est libre d'acheter ce qui manque c'est à dire pas la peine de s'encombrer avant le mariage
et a la fin ana wahda méne enasse wellahi manasma3 bhadrate enasse ygoulou wach habine par ce que lhadra sahla

بدرالدين

14-02-2012, 20:58 PM

السلام عليكم و رحمة الله و بركاته.

بالعقل برك يا اخواتي ( خواتاتي ).. نتوما هنا و في ليتساع و ما فرزتوهاش، فما بالك نهار توليو في فم المدفع.. و الضغوطات.. و الخطيف قايم.. ايــــه.

اكيد ان لكل واحد طريقة تفكير و حياته و كذا الطبقة الاجتماعية التي ينتمي اليها.. كما ان لكل واحد اولويات..

يعني.. في امور معينة ربما فيها سعة و يمكن ان نختلف في جزئيات، لكن لا اظن اننا نختلف في: ( ان المبذرين كانوا اخوان الشياطين ).

فتحنا موضوع رائع و مفيد.. و لم نستطع الى الان وضع قائمة المشتريات
( الضروريات )

في الانتظار.. حتى ننتقل الى موضوع اخر لا يقل اهمية.. ( و هو واحدة من النقاط التي طرحها الاخ عبد الرزاق في رسالته اليكم.. مازلتو تشفاو عليه؟؟)

السلام عليكم و رحمة الله و بركاته.

camomille

15-02-2012, 18:03 PM

السلام عليكم

لما قرأت العنوان للوهلة الاولى ضننت انه يتحدث عن الشــورى..اي من المشاورة و الاخذ بالرأي

ثم لما قرأت الموضوع فهمت..

و فوجئت بكم الردود..

سأعود الى الموضوع مرة اخرى,فعندي ما اقوله..

+مريم+

15-02-2012, 20:26 PM

نعم ما تفصلت به اخى بدر الدين ،، هذا كامل ولم نضع القائمة ؟؟

انتمنى الان من الجميع المشاركة فى القائمة النهائية التى يراها مناسبة " لاافراط ولاتفريط"

امتنى من الجميع العودة والتفاعل اكثر مع الموضوع للنتقل الى موضوعات اخرى ،،، كموضوع الاخ "عبد الرزاق "
موفوقن فى اما ن الله

آمنة

22-02-2012, 22:04 PM

السلام عليكم ورحمة الله وبركاته

بعد كل هذه النقاشات ... والجو المرح الذي قضيناه مع هذا الموضوع
والذي يكلف الكثير طبعا هههههههه

وبعد كل هذا الأخذ والرد
حان الوقت لوضع ملخص لهذا الموضوع

وإن كنتم تفضلون وضع قائمة تقريبية بأهم الأمور ... حتى لا تبقى مسألة الجهاز مسألة تقليد وتتبع للغير بغض النظر إن كانت البنت في نفس مستوى الغير حتى تعمل مثلهم

والبنات لي قادرين يعملوا بزاف أمور، مثل ما ذهب إليه البعض
على الأقل... قدام الناس... ما تبينش بلي دارت بزاف أمور... حفاظا على بقية البنات من الغيرة، والضغط على الأهل ... وأجرها على الله

وأخيرا..... وصل الدور على الأسئلة المهمة التي طرحها الأخ الزعيم
وهذا تذكير بها

موضوع حساس رغم الردود الطريفة التي تعتبر نقدا ساخر لاوضاع مؤلمة لكل شاب مقبل على إكمال نصف دينه لكن اهم سؤال يطرح: من المسؤول عن هدا الوضع الزوجة؟اهلها؟المجتمع؟ وهل يوجد حل لهده الظاهرة ؟وهل كل من ينتقد هده الظاهرة سيقف في وججها ام سيدعن لها ويقول ندير كيما يديرو الناس؟؟؟

أسئلة في غاية الأهمية...خاصة آخر سؤال
فالكلام في " الايتساع هههه" سهل... لكن التطبيق قد يكون صعب
:1875cee9:لمن لم يجعل لنفسه مبادئا يسير عليها في حياته

أعطي مهلة للإجابة عن هذا السؤال وبعدها نقول الكلمة الختامية

لننتقل إلى موضوع آخر مما يقلق الآخ عبد الرزاق:onion41:

في انتظار مشاركاتكم.... واصلوا الموضوع... حتى لا نكون تكلمنا لمدة أكثر من شهرين في البااااااااطل

وإذا كنتم تظنون بأن ما قيل في هذا الموضوع قد يؤثر على أي كان... خاصة معاشر البنات
أرجو منكم أن توصلوه
:onion25:سلام

آمنة

28-02-2012, 21:05 PM

السلام عليكم ورحمة الله

أهلين بحاملة الرسالة

قتلتيني بالضحك
:big_smile:يعجبني اسلوبك في الرد
:37:
طيب سنطوي الموضوع بعد الرد على الأسئلة... فمازال هناك الكثير يتبع هذا الموضوع
تابعوا.... سلسلة (( السي عبد الرزاق)) قريبا

من المسؤول عن هذا الوضع: الزوجة؟ اهلها؟ المجتمع؟

إن كان المقصود من المسؤول... يعني من كان السبب في الوصول إلى كل هذا الهرج الحاصل
أظن المجتمع ككل... كونه يقدم بعض التقاليد، والتقليد.. والسير في التيار... الذي يمشي بوتيرة متسارعة
ومع ذلك... الجميع مصر على مجاراته

وإن كان المقصود... من في يده هذا الأمر... يعني الإكثار أو التقليل من كل هذه المقتنيات... وهذي لازم وهذي لازم وهذي لازم( تقريبا لا يوجد مش لازم)

فأظن المسؤول الأول هو الزوجة، وبعدها بدرجة أقل عائلتها
وهذا يعتمد على شخصية الزوجة
إن كانت لها شخصية قوية.. ستقنع الأهل ان استطاعت
أو لن تتأثر بكلام الناس... المهم تكون بينها وبين نفسها راضية عما تعمله

وإن كانت ذات شخصية ضعيفة... فأكيد ستتبع رأي الخالة والعمة والجارة، والصديقة
حتى تصل إلى شاحنات (( نقول)) وما يكفيهاش

وهل يوجد حل لهذه الظاهرة؟

أظن أن الحل بيد المرأة، أو أهلها
قد يكون الأمر صعبا في البداية... حيث أن ألسنة الناس لا ترحم
لكن... تحضرني هنا المقولة: من أرضى الله بسخط الناس، رضي الله عنه وأرضى عنه الناس

هل كل من ينتقد هده الظاهرة سيقف في وججها ام سيدعن لها ويقول ندير كيما يديرو الناس؟؟؟

سؤال رائع... فهنا بيت القصيد
ولهذا تكلمنا وتكلمنا وتكلمنا..وممكن لازلنا نتكلم ايضا

حتى تتشكل قناعة عند المعنيات بالأمر أن ما انجر إليه المجتمع من وراء هذه المظاهر
لا يقوى على احتماله غالبية العائلات والشباب
لا... وبعد كل هذا... يشتكون من مشكل العنوسة

إن شاء الله كل من شارك وقرأ الموضوع
إن كان يظن أن ما قيل فيه، وما عرض فيه من كلام منطقي عما هو حاصل
إن كان يظن ان هذا سيساهم في تغيير بعض الأفكار...فلا يبخل بنشره

والموضوع خفيف الظل... وفي نفس الوقت يوصل الفكرة للأذهان

*********************

على كل مشكورين كلكم على ما قدمتم هنا
طبعا... يبقى باب المشاركة مفتوحا دائما في الموضوع

وبحكم ان مسألة الشورة مسألة نسبية... فلن نستطيع تحديد قائمة نهائية
نؤكد فقط أن سوق اللباس ليس كسوق الدواء... لا تصيبه الندرة في أي من أنواعه

لذا لا داعي إلى المبالغة.....
والسلام عليكم ورحمة الله وبركاته

camomille

28-02-2012, 23:23 PM

السلام عليكم و رحمة الله و بركاته:

اعتقد ان الاخوة وفوا و كفوا بردودهم الطريفة و المفيدة في نفس الوقت..

كان عندي بعض التعقيبات :

اولا: ليس الزوج وحده المتضرر من مسألة الجهاز,لانه مهما كانت قيمة المهر مرتفعة,فإنها لا تغطي حتى40 بالمائة من قيمة الجهاز...و من سيكمل الباقي...طبعا الوالد المسكين...أو العائلة....أو العروس بنفسها( لكن تستاهل,هي رضات بهذا الامر)..

غلاء المهور:
و في ظل الحديث عن غلاء المهور..اعتقد انه من العار و المعيب,ان يشترط الوالد او اهل العروس قيمة المهر...لا و الادهى و الامر هناك من يفاصل في قيمة المهر...هل صارت المرأة سلعة تباع و تشترى!!!
اما الذهب,فلماذا كل هذا التبذير,لم لا تكتفي الزوجة بشيء بسيط تتزين به في المناسبات فقط

من المسؤول عن هذه الكارثة؟

في اعتقادي ان المسبب الاول لهذه الظاهرة, هو نحن معشر النساء,
لان الزوج لن يهمه كم احضرت من قندورة,او بلوزة او قفطان
او عندك عشر صنادل و لا احذية,
إلا في حالة لو اشترطت عليه مهرا غاليا,فإنه سيحاسبك,و بالتالي انت هي الملومة الاولى.

المصدر الرئيسي لهذه المشكلة:

الرياء
نحن النساء نحب التباهي,و التنافس على المظاهر:
لان هذا هو الموضوع الرئيسي الذي تتحدث عنه معظم النساء في مجالسهن:
واش لبست فلانة في عرسها,
واش جابت معاها
شفتوا الحلوى اللي جابتها
و اذا كانت من النساء العاقلات و اقتصدت في جهازها,و خاصة لو كانت امرأة عاملة,
فيا ويلها و يا سواد ليلها من الكلام الذي ستسمعه او سيصل الى مسامعها,ناهيك عن النظرات و الهمسات بين النساء..
او ربما تنصح إحدانا صديقتها بأن لا تبالغ في جهازها,
فترد عليها:و علاش فلانة خير مني؟

أين الحل؟؟
إن الحل يكمن كما قالت الاخت آمنة في قوة شخصية الزوجة,فهي صاحبة الامر,و هي المسؤولة الاولى..
عليها ان تقتنع ان كلام الناس لن ينفعها عندما تكتشف ان امولا كبيرة قد اهدرت فيما لا ينفع
و ان الله عز و جل سيحاسبها على مالها فيما انفقته..

و الحكمة في ان يتفاهم الزوجان و يتعاونا فيما بينهما

لا داعي لمهر غال حتى نسهل على الشباب الزواج

لا داعي لجهاز مبالغ فيه,حتى لا نصعب على فتياتنا الزواج..

في الاخير اقول :
ان الهدف من هذا الموضوع هو تغيير المفاهيم و بعض القناعات الخاطئة عن الزواج
فاهتممنا بالقشور و الماديات و تناسينا الجوهر و المفهوم الحقيقي للزواج..

و نحن هنا لا نزكي انفسنا,بل ينبغي ان نصحح هذه المفاهيم في انفسنا اولا..

فالامر يبدا بواحد منا او اثنين او ثلاثة

الى ان ينتشر الامر بين الشباب

و هذا هو هدفنا كشباب جزائري طموح...نسعى الى التغيير الايجابي..

اشكرك عزيزتي آمنة على اثارة هذا الموضوع الحساس و المهم جدا

الى المزيد من النقاشات الهادفة

وبحكم ان مسألة الشورة مسألة نسبية... فلن نستطيع تحديد قائمة نهائية
نؤكد فقط أن سوق اللباس ليس كسوق الدواء... لا تصيبه الندرة في أي من أنواعه

لذا لا داعي إلى المبالغة.....
والسلام عليكم ورحمة الله وبركاته

يا آمنة...علاش ذكرتيني بالندرة كنت نسيت شوية:too_sad:

بوركتم جميعا